हितोपदेश 9:17 - परमेश्‍वरए ताँ तमु क्युइर

¹⁷ धै “ह्‍योइरि थुँबै क्यु लिंब तम्, लोइरि चबै क्हें ङाँबो खम्।” बिसि चइ बिम्।

हितोपदेश 9:17 ပူးပေါင်းရင်းမြစ်များ

उत्पत्ति 3:6

झाइले च सिंधुँर्बै रो चबर लिंब, ङ्ह्‍योमा छ्याँब नेरो बुद्धि योंबै ल्हागिर च सिंधुँए रो चल् त्हुमन बिसि च्हमिरिइ मैंइ। छतसि चइ च सिंधुँए रो टोंसि चवाइ, ह्रोंसए प्युँलाज्यै पिंइ, धै प्युँज्यै या चइ।

हितोपदेश 20:17

छलु म्हिलु लसि योंबै चबै सै लिंब् ङ्‍हाँम्; दिलेया लिउँइँ चए सुँर च युँमाए फुमैं ङेब् धों तब्मुँ।

हितोपदेश 30:20

फ्रें क्ल्योंप्रबै च्हमिरिए चाल छाब् तम्: च म्हिने प्रमुँ, धै ज्यु ख्रुमुँ, झाइले “ङइ तोइ गल्ति आलइमुँ,” बिम्।

हितोपदेश 5:16

क्हिए क्यौदुउँइँर्बै क्यु घ्याँजरे तले ङेयाल् पिंब? धै क्हिए स्योंर्बै क्यु बजार जरे बग्दिल् पिंम्मा?

हितोपदेश 5:18

क्हिए प्ह्रेंस्यो क्हिए ल्हागिर आशिक तरिगे, धै क्हिए बैंसर्बै प्ह्रेंस्योने क्हि सैं तोंन्।

रोमी 7:8

दिलेया ठिमइ “लोब आलद्” बिबइले ङए आछ्याँबै इच्‍छाइ मौका च्ह्‍यासि ङए सैंइ ल्हें खालर्बै लोब खल् पिंमल, तलेबिस्याँ ठिम आरेबै त्हेर आछ्याँबै केमैं ललेया ङइ आछ्याँबै के लइ बिसि ङइ आसेमल।

एफिसी 5:12

(चमैंइ आसेल्‍ले लबै केमैंए बारेर पोंबै या फा पिन् तबै ताँ ग।)