हितोपदेश 8:7 - परमेश्‍वरए ताँ तमु क्युइर

⁷ ङए सुँइ क्ह्रोंसेंन्बै ताँ पोंम्; स्योलिबै ताँमैं ङइ आखो।

हितोपदेश 8:7 ပူးပေါင်းရင်းမြစ်များ

भजनमैं 37:30

ठिक के लबै म्हिइ ज्ञान बुद्धिए ताँमैं पोंम्, धै चए लेइ ठिक ताँ पोंम्।

हितोपदेश 12:22

स्योलिबै ताँ पोंबै म्हिलाइ याहवेहजी आखो, दिलेया छलु म्हिलु आलल्‍ले के लबै म्हिने खी सैं तोंम्।

हितोपदेश 16:12

ठिक के लबै म्रुँइ खोंयोंइ ग्याल्स लम्, तलेबिस्याँ छाबै म्रुँइ आछ्याँबै के तिफुँइ आखो।

हितोपदेश 29:27

ठिक के लबै म्हिमैंइ छलु म्हिलु लब्मैंलाइ आखो, छलु म्हिलु लब्मैंइ ठिक के लब्मैं आखो।

यूहन्‍ना 1:17

स्‍योंम्‍बै मोशालाइ परमेश्‍वरजी खीए ठिम पिंइ, दिलेया येशू ख्रीष्‍टउँइँले क्‍ह्रोंसेंन्‍बै ताँ नेरो बेल्‍ले थेबै दयाम्हाँया ङ्योइ योंइ।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

यूहन्‍ना 17:17

क्हिए ताँ क्ह्रोंसेंन्ब ग। छतसि क्हिए क्ह्रोंसेंन्बै ताँउँइँले चमैं क्हिए पबित्र म्हिमैं लमिंन्।

यूहन्‍ना 18:37

पिलाताइ खीने “छ बिस्याँ क्हि म्रुँन् वा?” बिसि ङ्योएमा येशूजी बिइ, “ङ म्रुँ ग बिसि क्‍हिइन बिइमुँ। क्‍ह्रोंसेंन्‍बै ताँए ग्वाइ पिंबै ल्हागिर ङ फिब् ग। छतसि ङ चु ह्‍युलर युब् ग। क्ह्रोंसेंन्बै ताँ खोब्मैंइ ङए ताँ थेमुँ।”

यूहन्‍ना 8:14

येशूजी बिइ, “ङइ ह्रोंसए बारेर ग्वाइ पिंलेना ङए ग्वाइ क्ह्रोंसेंन्बै मुँ। ङ खनिउँइँले युजी खनिर ह्‍यासिन् मुँ बिसि ङइ सेइमुँ, दिलेया ङ खनिउँइँले युइ धै खनिर ह‍यासिन् मुँ बिब क्हेमैंइ आसे।

रोमी 15:8

तलेबिस्याँ ङ क्हेमैंने बिमुँ, यहूदीमैंए खेमैंने परमेश्‍वरजी फैबै बाछा पूरा लबै ल्हागिर परमेश्‍वर क्ह्रोंसेंन्ले भर लल् खाँब मुँ बिसि उँइँबर येशू ख्रीष्‍टजी यहूदीमैंलाइ ल्होमिंइ।

दर्शन 3:14

“लाउडिकिया नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “भर लल् खाँब नेरो क्ह्रोंसेंन्बै ग्वाइ पिंबै येशूजी चु ताँ बिइमुँ: ङउँइँले परमेश्‍वरजी तोन्दोंरि सै बनेइमुँ, छतसि ङ आमेन ग।