हितोपदेश 8:34 - परमेश्‍वरए ताँ तमु क्युइर

³⁴ ङए ताँ थेबै म्हिइ आशिक योंम्, चइ त्हिं ह्रोंसे ङए म्राउँइँन ङ्‍होरिमुँ, धै ङए म्रार पैंरिम्।

हितोपदेश 8:34 ပူးပေါင်းရင်းမြစ်များ

भजनमैं 27:4

ङइ याहवेहने ताँ घ्रि ह्रिइमुँ, ङइ म्हैबै ताँ चुन् ग: खी टिबै क्ल्ह‍योर ङइ खीलाइ म्हैल् खाँरिगे, ङए छ्ह तिगोंन् याहवेहए धिंर टिल् योंरिगे, धै खीए छ्याँबै केमैं ङ्ह्‍योल् योंरिगे।

भजनमैं 84:10

अरू क्‍ल्‍ह्‍योजरे हजार त्हिंइमैं थोब् भन्दा क्हिए ह्‍युमैंर तिगें टिब छ्याँब तम्। दुष्‍टमैंए तम्बुमैंर टिब् भन्दा बरु ङए परमेश्‍वरए धिंर रुँबै म्हि तब ङलाइ खोम्।

भजनमैं 92:13

याहवेहजी च म्हिमैंलाइ ह्रोंसए धिंर रुँइँइमुँ; चमैं ङ्योए परमेश्‍वरए मन्दिरर मौलिदिब्मुँ।

प्रस्थान 12:7

झाइले खा-खाबै धिंर च ख्रोए से चमुँ, चमैंइ च को म्राए न्होंरि फिरि नेरो क्होवाइ फोरिगे।

हितोपदेश 1:21

म्हिमैं च्होंसि ताँ लरिबै क्ल्ह्‍योर चइ कै तेमुँ, सहरए मुल म्राजरे रासि च छले ओरम्:

हितोपदेश 3:13

बुद्धि योंसि च्हैंब् मैंब् लबै म्हिइ आशिक योंम्

हितोपदेश 3:18

बुद्धि ख्वेब्मैंए ल्हागिर च छ्ह योंबै सिंधुँ ग; च क्हाब्मैंइ आशिक योंम्।

मत्ती 7:24

“छतमा ङइ बिबै ताँ थेब्मैं नेरो ङिंब्‍मैं धिं लबै बुद्धि मुँबै म्‍हि धों तबन् ग। च म्‍हिइ गैरु जग तासि पारा फिर धिं बनेइ।

लूका 1:6

चमैं ङ्हिंइ परमेश्‍वरए उँइँर ठिक के लमल धै परमेश्‍वरए ताँमैं ङिंसि ठिमर बिब् धोंले छेनाले प्रमल।

लूका 10:39

मार्थाल मरियम मिं मुँबै अङाँ मुँल। मरियम प्रभु येशूए प्‍हले ङाँर क्हुँसि खीजी लोमिंबै ताँ थेरिल।

लूका 11:28

दिलेया येशूजी च च्हमिरिने बिइ, “ओ नानि, ङए ताँ थेद्! परमेश्‍वरए ताँ थेसि खीजी बिब् म्हाँदिबै म्‍हिइ झन् आशिक योंब्मुँ।”

चेला चिब्मैंए केमैं 2:42

चमैं प्रभु येशूए फिर बिश्‍वास लसि कुल्मिंबै चेला चिब्मैंने लोदै, संगति लदै, बालुन् चब् चसि प्रभु भोज चदै, खोंयोंन् बिलै प्राथना लरिमल।