हितोपदेश 8:10 - परमेश्‍वरए ताँ तमु क्युइर

¹⁰ चाँदि भन्दा ङए अर्ति थेद्, छ्याँबै मारा भन्दा ङए ज्ञान म्हैद्,

हितोपदेश 8:10 ပူးပေါင်းရင်းမြစ်များ

भजनमैं 119:127

मारा मुइ भन्दा, बेल्‍ले छ्याँबै मारा भनदै या, क्हिए ताँमैंन् ङइ खोम्,

भजनमैं 119:162

लुडिसि पखबै सै न्होर योंबै म्हि सैं तोंब् धोंले क्हिजी फैबै बाछए ताँर ङ सैं तोंम्।

भजनमैं 119:72

मारा नेरो चाँदिए हजार टुक्र भन्दै या क्हिए सुँउँइँले त्होंबै ठिम ङए ल्हागिर बेल्‍ले छ्याँब मुँ।

हितोपदेश 10:20

ठिक के लबै म्हिइ निखुर चाँदि धों तबै छ्याँबै ताँमैं पोंम्, दिलेया दुष्‍ट म्हिए सैंर बिस्याँ केर आफेब् आछ्याँबै ताँमैं तम्।

हितोपदेश 16:16

मारा योंब् भन्दा बुद्धि योंब छ्याँब् ग, धै चाँदि भन्दा ज्ञान बुद्धिलाइ त्हाँन्।

हितोपदेश 20:15

मारा, चाँदिमैं ल्हें मुइ फेबै सै मुँन बिलेया, च भन्दा थेब ज्ञान बुद्धिए ताँ पोंबै म्हि ग।

हितोपदेश 23:23

क्ह्रोंसेंन्बै ताँ किंनु, धै च आचुँन्; सिरसुबास मुँब नेरो ताँ क्होबै म्हि तदु।

हितोपदेश 8:19

ङ ङाँइले योंबै बुद्धि छ्याँबै मारा भन्दा या छ्याँब, नेरो चाँदि भन्दा सब मुँ।

चेला चिब्मैंए केमैं 3:6

झाइले पत्रुसइ चने बिइ, “ङने मारा चाँदि आरे, दिलेया ङने तो मुँ चन् ङइ क्हिलाइ पिंस्यो। नासरतर्बै येशू ख्रीष्‍टए मिंर रेसि प्रह्‍याद्।”

२ कोरिन्थी 6:10

न्हुँ खलेया ङि खोंयोंन् बिलै सैं तोंरिम्, ङ्हाँदुमैं तलेया ङिइ ल्हें म्‍हिमैंलाइ प्‍ल्होब लमिंम्, ङि तोइ आरेब् धों तलेया ख्रीष्‍टए फिर बिश्‍वास लबइले ङिइ तोन्दोंरि सै योंइमुँ।