8 त्हिंइ लियासि ङेंस तमा मिछु खैबै त्हेर
फ्रें क्ल्योंप्रबै च्हमिरिउँइँले ह्रेंगो टिद्, चए धिंर्बै म्राए चेंदो आह्याद्।
खोंयों घ्याँजरे, खोंयों बजारजरे, खोंयों कुनाकाप्चाजरे च लोसि टिम्।
धै चए धिंर ह्याब्मैं क्रोंर म्हैबर ह्याब्मैं ग, चर ह्याब्मैं कालए ङाँर फेनेम्।
ब्यभिचार आलद्। अरू पाप लइ बिस्याँ ज्युलाइ नोक्सन् आल, दिलेया ब्यभिचार लइबिस्याँ ह्रोंसए ज्युलाइन नोक्सन् लम्।
छतसि क्हि फ्रेंसि तमा ज्युइँले खबै आछ्याँबै केउँइँले स्यो तद्, धै छ्याँबै सैंउँइँले प्रभुए मिं किंब्मैंने बा-बालु छ्याँबै केमैं लदै, बिश्वासर भोंब् तसि म्हाँयार क्ह्रिसि प्रद्।
अरूमैंलाइ मिउँइँले तेवाब् धोंले च स्योलिबै ताँउँइँले जोगेमिंन्; धै अरूमैंलाइ ल्हयो लद्, दिलेया चमैंए सैं न्होंउँइँले खबै आछ्याँबै ताँमैंइ क्हेमैंए सैं न्होंवाल् आखाँरिगे बिसि क्हेमैंइ चु के च्हैंसि मैंसि लद्।
