हितोपदेश 7:26 - परमेश्‍वरए ताँ तमु क्युइर

²⁶ चइ ल्हें म्हि नास लवाइमुँ, धै चइ सैवाब्मैं ल्हेंन् मुँ।

हितोपदेश 7:26 ပူးပေါင်းရင်းမြစ်များ

हितोपदेश 2:18

चए धिं न्होंर होंबै म्हि कालइ क्युरु-क्यरु बोमुँ धै चए घ्याँर प्रबै म्हिए प्ल्ह नर्गर फेनेम्;

हितोपदेश 23:28

च ह्‍यो धोंले क्ह्‍वेसि टिम्, धै म्हिमैंए म्हाँजोर भर लल् आखाँब्मैं ल्हें तल् लब्मुँ।

हितोपदेश 6:33

छाबै म्हिलाइ ताँनइ प्रिंमुँ धै चए न-मि ह्‍याम्, धै चए आब्रु ह्‍याबै ताँ खोंयोंइ म्हरिब् आरे।

हितोपदेश 7:27

धै चए धिंर ह्‍याब्मैं क्रोंर म्हैबर ह्‍याब्मैं ग, चर ह्‍याब्मैं कालए ङाँर फेनेम्।

हितोपदेश 9:18

दिलेया च ङाँर ह्‍याब्मैं क्रोंर फेनेम्, धै चए योर फेब्मैंइ कालए सुँर फेनेबै या था आसे।

१ कोरिन्थी 10:8

छलेन चमैं न्‍होंरि को-कोइइ ब्यभिचार लब् धोंले ङ्योइ ब्यभिचार लब आत। चमैंइ ब्यभिचार लबइले परमेश्‍वरजी सजैं पिंसि तिगेंर्न ङ्हिस्युसे सों हजार (२३,०००) म्‍हि सियाल।

२ कोरिन्थी 12:21

क्‍हेमैं न्‍होंरि ल्हें म्हिइ पाप केमैं लल, चमैंइ आछ्याँबै के, ब्यभिचार लसेया, खै तदा ङ्हाँमुँ छान् तसेया सैं आएलै। छतसि ङ धबै क्‍हेमैं ङाँर खमा छाब् म्रोंसि ङए सैं नल् त्हुलै, धै चु ताँर परमेश्‍वरजी ङलाइ क्‍हेमैंए उँइँरि फा पिन् लम् उ बिसि ङ ङ्हिंइमुँ।

१ पत्रुस 2:11

ओ ङए खोबै थुमैं, ङ क्हेमैंने यो छ्युँ लमुँ, क्‍हेमैंइ चु ह्‍युलर ङम् तिस्याबै प्ह्रें धों तब् मत्‍त्रे ग बिब् सेसि आछ्याँबै इच्‍छाउँइँले स्‍यो तद्, तलेबिस्याँ छाबै इच्‍छाजगोइ क्‍हेमैंए सैंलाइ न्होंवाम्।