हितोपदेश 6:31 - परमेश्‍वरए ताँ तमु क्युइर

³¹ दिलेया चइ ह्‍योरिब् स्याइ बिस्याँ चइ तिबाँ चवास्याँ ङिबाँ तेंसि फोल् त्हुब्मुँ, चए धिंर्बै ह्रोंसए सै न्होर ताँन् पिंल् त्हुब्मुँ।

हितोपदेश 6:31 ပူးပေါင်းရင်းမြစ်များ

उत्पत्ति 4:15

छबिमा याहवेहजी चने बिइ, “छ आङिं! खाबइ कयिन सैमुँ चने बालु ङि गुणा खी किंब्मुँ।” छतसि कयिन स्याब्मैं खाबज्यै आसैरिगे बिसि याहवेहजी चए ज्युर चिनु घ्रि लमिंइ।

भजनमैं 79:12

ओ प्रभु, क्हिलाइ प्ह्रसि ङिए ङ्‍हेब् ट्हुब्मैंइ क्हिए मिं वाइमुँ, छतसि चए ङिखे गुणा खी चमैंने किंमिंन्।

प्रस्थान 21:34

च इनार बनेबै म्हिइ क्ल्या अथवा गदाए क्ल्हेलाइ मुइ पिंसि च सियाबै खेदो चइन योंरिगे।

मत्ती 18:25

दिलेया च म्‍हिइ छे फोल् आखाँमा म्रुँइ ‘च, चए प्ह्रेंस्यो, च्‍ह-चमि नेरो चने मुँबै तोन्दोंरि सै चुँसि ङए मुइ पिंन्,’ बिसि ल्हैदिइ।

लूका 19:8

च्हमन् जखायस रासि प्रभु येशूने बिइ, “प्रभु, ङ तारे ह्रोंसए सै न्होरए आधा भाग ङ्हाँदुमैं चुमिंम्। झाइले ङइ रोमी म्रुँए ल्हागिर बालि रेमा खाबलाज्यै या लुसि मुइ किंना बिलेया तिबाँर प्लिबाँ तेंसि चमैं एमिंब्‍मुँ।”