हितोपदेश 6:19 - परमेश्‍वरए ताँ तमु क्युइर

¹⁹ स्योलिबै ग्वाइ पिंबै, आघें-अलिमैंए म्हाँजोर प्होंगि रेबै म्हि। छाबै बानि मुँबै म्हिमैं याहवेहजी तिफुँइ आखो।

हितोपदेश 6:19 ပူးပေါင်းရင်းမြစ်များ

भजनमैं 27:12

शत्तुरमैंए योर ङलाइ आपिंमिंन्; तलेबिस्याँ ङए बिरोधर स्योर ताँ पोंब्मैं रेइमुँ, चमैं सैब् म्‍लोब् लब् बिसि प्रइमुँ।

भजनमैं 35:11

स्योलिबै ताँ पोंब्मैं खसि ङइ था आसेबै ताँमैंए बारेर ङए फिर छ्याब् ल्हैदिम्।

प्रस्थान 20:16

“ह्रोंसए ङ्‍हेब्टुमैंए बिरोधर स्योर तेसि छ्याब् आल्हैदिद्।

प्रस्थान 23:1

“स्योर ताँ आपोंन्। दुष्‍टलाइ जोगेब् बिसि स्योर ताँआपोंन्।

हितोपदेश 12:17

स्योर आतेल्‍ले पोंबै म्हिइ ठिक ग्वाइ पिंम्, दिलेया छलु म्हिलु लबै म्हिइ स्योलिबै ग्वाइ पिंम्।

हितोपदेश 14:5

ठिक ग्वाइ पिंबै म्हिइ स्योर आते, दिलेया छल् तेब्मैं स्योर ताँ ल्हें पोंम्।

हितोपदेश 16:28

स्योलिबै ताँ लबै म्हिइ प्होंगि लम्, धै आगुए ताँ लप्रबै म्हिइ क्ह्रिरिबै थुमैंया आक्ह्रिल् लवाम्।

हितोपदेश 19:5

स्योलिबै ग्वाइ पिंबै म्हिइ दण्ड योंब्मुँ, स्योर तेबै म्हि स्योरल् योंरिब् आरे।

हितोपदेश 19:9

स्योलिबै ग्वाइ पिंबै म्हिइ दण्ड योंब्मुँ, स्योर तेबै म्हि नास तब्मुँ।

हितोपदेश 21:28

स्योलिबै ग्वाइ खाबज्यै या आक्वें, दिलेया च्हैंसि मैंसि पोंब्मैंए ताँ ताँनइ क्वेंम्।

हितोपदेश 22:10

आगुलाइ प्ह्रब्मैं बैरु तेवाद्; छलस्याँ प्होंगि तब, गाल् केब, सैं नबै ताँमैं नुयाम्।

हितोपदेश 25:18

ह्रोंसए ङ्‍हेब्-टुब्मैंए बिरोधर स्योलिबै ग्वाइ पिंबै म्हि प्हरे, सेलाँ धै म्ह्रुछु तबै मेत्हले धों तब् ग।

हितोपदेश 26:20

सिं आरेस्याँ मि सियाम्, ताँ स्यारब्मैं आरेस्याँ प्होंब-कैब म्हयाम्।

हितोपदेश 6:14

चए सैंइ आछ्याँबै ताँमैं मत्त्रे मैंम्, धै चइ खोंयोंन् बिलै आक्ह्रिबै ताँबै रेम्।

हितोपदेश 8:13

याहवेहलाइ म्हाँदिब आछ्याँबै के-ति पिब् ग। थेब् प्हैंब, शेखि लब, आछ्याँब् मैंब नेरो स्योलिबै ताँ पोंब्मैंलाइ ङइ आखो।

मत्ती 15:19

तलेबिस्याँ म्‍हिए सैंउँइँलेन् आछ्याँब सैं मैंम्। चु आछ्याँब सैंइ लमा चइ म्‍हि सैब, आगुए प्ह्रेंस्यो प्रब, ब्यभिचार लब, आगुए सै न्होर ह्‍योब, स्‍योर तेब, धै फ्रम्दा क्योम्दा लब छाबै पापमैं लम्।

मत्ती 26:59

झाइले ख्रो पिंबै खेगि चिब्मैं नेरो थेबै म्हि च्होंर्बै चिबनाँब्मैं ताँनइ येशू सैबै ल्हागिर खीए बिरोधर स्‍योर्गु ग्वाइ पिब्‍मैं योंल् खाँम् उ बिसि म्‍हैबर होंइ।

चेला चिब्मैंए केमैं 6:13

झाइले चमैंइ स्तिफनसए बारेर स्योर ताँमैं पोंबै म्हिमैं ओंसों पखइ। धै च म्हिमैंइ बिइ, “चु म्हिइ चु पबित्र मन्दिर नेरो मोशाइ पिंबै ठिमए बिरोधर पोंब खोंयोंन् बिलै आपि।

२ तिमोथी 2:23

दिलेया केर आफेबै तामैं आपोंन्, तलेबिस्याँ छाबै ताँमैंउँइँले प्होंगि तम् बिसि क्हिइ सेइमुँ।

याकूब 3:18

छले क्ह्रिल् लबै म्‍हिमैंइ क्ह्रिबै ताँ पोंसि ठिक केमैंए रो योंम्।