हितोपदेश 6:17 - परमेश्‍वरए ताँ तमु क्युइर

¹⁷ ह्रिस खल्‍ले ङ्ह्‍योबै मि, स्योलिबै ताँ पोंबै ले, छ्याब आरेबै म्हि सैबै यो,

हितोपदेश 6:17 ပူးပေါင်းရင်းမြစ်များ

भजनमैं 10:4

ङम् ङन् ग बिसि दुष्‍टमैंइ परमेश्‍वर आम्है, चमैंइ तोइ ताँरै या परमेश्‍वर आमैं।

भजनमैं 101:5

न्हों-न्हों ह्रोंसए ङ्‍हेब्मैंए ताँ लबै म्हिलाइ ङइ नास लब्मुँ। ह्रोंसन् ह्रब् सेब् प्हैंसि थेब् प्हैंबै म्हिलाइ ङ सैदिरिब् आरे।

भजनमैं 131:1

ओ याहवेह, ङए सैं थेब आप्हैं, ङ थेब् तदा आङ्हाँ; ह्रोंसइ आक्होबै सैमैं नेरो ह्रोंसइ लल् आखाँबै सैमैंर ङ क्होसि आटि।

भजनमैं 18:27

थेब् आप्हैंब्मैंलाइ क्हिजी जोगेमिंब्मुँ, दिलेया थेब् प्हैंब्मैं बिस्याँ क्हिजी कुरुवाब्मुँ।

भजनमैं 31:18

स्योर ताँ पोंबै चमैंए म्हदेमैं म्रुयारिगे, तलेबिस्याँ चमैंइ थेब् प्हैंदै ठिक के लब्मैंए बिरोधर म्हि आच्हिल्‍ले पोंम्।

भजनमैं 5:6

स्योर तेसि पोंब्मैं क्हिजी नास लम्; म्हि सैब्मैं नेरो लुब्मैंने याहवेह छेरम्।

भजनमैं 5:7

दिलेया ङ बिस्याँ क्हिए खोंयोंइ आनुबै म्हाँयाइ लमा क्हिए धिं न्होंर होंल् योंब्मुँ। मान लदै ङ पबित्र क्ल्ह्‍योउँइँ तोसि क्हिलाइ फ्योब्मुँ।

हितोपदेश 1:11

“खो, म्हि सैबर ङिने बालु लोइरि टिले; सोजो म्हि लुडिबर च्ह्‍यासि टिले;

हितोपदेश 1:16

तलेबिस्याँ चमैं आतुरले पाप के लबर ह्‍याम्, धै चमैं म्हि सैबर खोंयोंन् बिलै युनन् छेम्।

हितोपदेश 12:22

स्योलिबै ताँ पोंबै म्हिलाइ याहवेहजी आखो, दिलेया छलु म्हिलु आलल्‍ले के लबै म्हिने खी सैं तोंम्।

हितोपदेश 14:5

ठिक ग्वाइ पिंबै म्हिइ स्योर आते, दिलेया छल् तेब्मैं स्योर ताँ ल्हें पोंम्।

हितोपदेश 16:5

याहवेहजी थेब् प्हैंब्मैं तिफुँइ आखो; चमैंइ खैले बिलैया दण्ड योंब्मुँ।

हितोपदेश 17:7

आमादुमैंलाइ छ्याँबै ताँ पोंब आङ्हे, क्रथे मिथेमैंइ स्योलिबै ताँ पोंब झन् तिफुँइ आङ्हें।

हितोपदेश 21:4

क्ह्रुबै मि, थेब् प्हैबै खों, नेरो दुष्‍ट म्हिमैंइ लबै केमैं ताँन् पाप ग।

हितोपदेश 26:28

स्योलिबै ताँ पोंबै म्हिइ ह्रोंसइ पोंबै ताँइ सैं नल् लबै म्हिलाइन हेल् लम्, धै सुँइ मत्त्रे छ्याँब लबै म्हिइ न्होह्रों लम्।

हितोपदेश 28:17

म्हि सैए सैं खोंयोंइ छिं आङ्हाँ; छतसि चए छ्ह तिगोंन् च खैता-खैता तप्रम्; दिलेया खाबज्यै चलाइ आल्होरिगे, चए ख खाबज्यै आलरिगे।

हितोपदेश 30:13

चमैं ह्रोंसन् बेल्‍ले छ्याँब मुँ बिसि थेब् प्हैंम्, चमैंए मिइ कति आछ्याँन्ले ङ्‍ह्‍योमुँ!

हितोपदेश 6:16

याहवेहजी आखोबै बानिमैं ङिग्लो मुँ, ङिउलो ताँमैं खीए उँइँर बेल्‍ले आछ्याँब मुँ:

यूहन्‍ना 8:44

क्‍हेमैं ह्रोंसए आबा दुष्‍टल् ‍ग। छतसि क्‍हेमैंए आबाए सैंर मैंब् धोंले क्हेमैंइ लल् म्हैम्। चम् ओंसों ओंनोंन् सैब् म्‍लोब लमल। क्‍ह्रोंसेंन्‍बै ताँने चए ताँ खोंयोंन् बिलै क्ह्रिल् आखाँ। तलेबिस्याँ चने क्ह्रोंसेंन्बै ताँ तिफुँइ आरे। छतसि स्‍योर ताँ पोंम्, चए ब्योर खैतब् मुँ चइ छाबन् पोंम्, तलेबिस्याँ च स्‍योर्गु ग, च स्‍योर तेब्‍मैंए आबा ग।

१ पत्रुस 5:5

छलेन ओ फ्रेंसि छमिमैं, क्हेमैंए चिब्मैंइ बिब् ङिंन्। क्‍हेमैं ताँन् ह्रोंस ह्रोंसए न्होंर थेब् आप्हैंन्ले घ्रिइ घ्रिए सेवा लद्, तलेबिस्याँ परमेश्‍वरए छ्वेर छले प्ह्रिइमुँ: “परमेश्‍वरजी थेब् प्हैंब्मैंए बिरोध लम्, दिलेया थेब् आप्हैंब्मैंए फिर आशिक पिंम्।”

दर्शन 22:15

दिलेया सहरए बैरु बिस्याँ आछ्याँबै सैं प्ह्‍याब्मैं: फाफुइ लब्मैं, ब्यभिचार लब्मैं, म्हि सैब्मैं, कु फ्योब्‍मैं, स्‍योलिबै ताँ पोंब्‍मैं नेरो स्‍योलिबै के लब्मैं तम्।