हितोपदेश 6:14 - परमेश्‍वरए ताँ तमु क्युइर

¹⁴ चए सैंइ आछ्याँबै ताँमैं मत्त्रे मैंम्, धै चइ खोंयोंन् बिलै आक्ह्रिबै ताँबै रेम्।

हितोपदेश 6:14 ပူးပေါင်းရင်းမြစ်များ

भजनमैं 140:2

चमैंइ ह्रोंसए खोंर आछ्याँबै चाँजोमैं लम्, धै त्हिंइ ह्रोंसे नेबै के लम्।

भजनमैं 140:3

प्हुरिइ च्हिब् धोंले चमैंए लेइ नल् लम्, चमैंए सुँर प्हुरिए म्येकैं ल्हें तम्। तिस्याँदे मैंन्

भजनमैं 36:4

क्‍ल्‍ह्‍योर रोरिमै या चइ आछ्याँबै चाँजोमैंन् लरिम्; छतसि च आछ्याँबै घ्याँर्न प्रम्; छले चइ आछ्याँबै केमैंन् लप्रम्।

हितोपदेश 14:22

आछ्याँबै केए चाँजो लब्मैं घ्याँ फ्लेब्मुँ, दिलेया छ्याँबै केए चाँजो लब्मैंलाइ ताँनइ म्हाँया लसि भर लल् खाँम्।

हितोपदेश 16:27

दुष्‍ट म्हिइ आछ्याँबै के मत्त्रे लप्रम्, धै चइ पोंबै ताँइ म्हिमैंए सैं नल् लम्।

हितोपदेश 17:20

आछ्याँबै सैं मुँबै म्हिल बिब् धों आत, स्योलिबै ताँ पोंबै म्हिए छ्हर छ्याँब् आत।

हितोपदेश 2:14

आछ्याँबै केमैं लमा चमैं सैं तोंमुँ, धै आगुए न्होह्रों लल् योंमा चमैं छिं ङ्‍हाँम्।

हितोपदेश 21:8

दुष्‍ट म्हिमैं आछ्याँबै घ्याँर प्रम्, दिलेया सोजो म्हिइ ठिक के लम्।

हितोपदेश 22:8

आछ्याँबै के लप्रबै म्हिए फिर दु:ख खम्; धै अरूलाइ दु:ख पिंप्रब चइ पियाब्मुँ।

हितोपदेश 24:8

आछ्याँबै केमैं लबर चाँजोमैं लबै म्हिलाइ न्होह्रों लबै म्हि बिम्।

हितोपदेश 3:29

क्हिए फिर भर लसि क्हिए ङाँर टिबै म्हिए बिरोधर जाल आरोद्।

हितोपदेश 3:32

तलेबिस्याँ आछ्याँबै के लप्रब्मैं याहवेहजी आखो, दिलेया सोजो म्हिमैं बिस्याँ खीजी भर लम्।

रोमी 16:17

ओ अलि-अङाँमैं, ङ क्‍हेमैंने यो छ्युँ लमुँ, भाँडिदिब्‍मैं नेरो क्हेमैंलाइ लोमिंबै परमेश्‍वरए ताँए बिरोधर पोंसि आक्ह्रिल् लब्‍मैंउँइँले न्ह क्रों मि क्रोंले स्‍योले टिद्।