हितोपदेश 6:12 - परमेश्‍वरए ताँ तमु क्युइर

¹² केर आफेबै दुष्‍ट म्हिइ आगुए ताँ लप्रम्।

हितोपदेश 6:12 ပူးပေါင်းရင်းမြစ်များ

भजनमैं 10:3

तलेबिस्याँ दुष्‍टमैं ह्रोंसए सैंर मैंबै आछ्याँबै ताँर्न प्हैंरिम्, चमैंइ खोंबै म्हिलाइ आशिक पिंम्, धै याहवेहलाइ स्यारम्।

भजनमैं 10:7

चमैंए सुँर आगुलाइ हौदिब, स्योर तेब नेरो सराब पिंबै ताँ मत्‍त्रे मुँ; चमैंए सुँर केरै आफेबै छेरन् ङ्हाँबै ताँ मत्‍त्रे मुँ।

भजनमैं 101:3

केर आफेबै सैमैं ङ‍ए उँइँर थेंरिब् आरे। दुष्‍ट के लब्मैंलाइ ङ आखो; छाबै म्हिमैंने ङ प्ररिब् आरे।

भजनमैं 36:3

चए सुँइ स्योलिबै ताँमैं नेरो आछ्याँबै ताँमैं पोंमुँ; छ्याँबै केमैं लब नेरो केर फेबै ताँमैं पोंब चइ पिवाइमुँ।

भजनमैं 59:7

ङ्ह्‍योद्, चमैंए सुँउँइँले तो त्होंमुँ? चमैंए ले सेलाँ धों तब् मुँ; चमैंए सैंर “ङिइ छ बिब खाबज्यै आथेइमुँ!” ङ्हाँम्।

हितोपदेश 10:32

ठिक के लबै म्हिए सुँइ ताँनइ क्वेंबै ताँमैं पोंम्, दिलेया दुष्‍ट म्हिए सुँइ बिस्याँ सैं नल् लबै ताँमैं मत्‍त्रे पोंम्।

हितोपदेश 11:6

सोजो म्हिमैंइ लबै ठिक केइन चमैंए दुःखउँइँले फ्रेमिंम्, दिलेया भर लल् आखाँब्मैं बिस्याँ ह्रोंसइ लबै आछ्याँबै केइन ङोर फेम्।

हितोपदेश 16:27

दुष्‍ट म्हिइ आछ्याँबै के मत्त्रे लप्रम्, धै चइ पोंबै ताँइ म्हिमैंए सैं नल् लम्।

हितोपदेश 16:30

मि च्याब्लने चिब्लि लबै म्हिइ जाल रोमुँ; धै म्हदे म्‍लिब्मैंए बानि ब्योर आछ्याँब तम्।

हितोपदेश 17:4

दुष्‍ट म्हिइ आछ्याँबै ताँ थेदा ङ्‍हाँम्, स्योलिबै ताँ पोंबै म्हिइ न्होह्रों तबै ताँमैंन् थेल् म्हैम्।

हितोपदेश 2:12

दुष्‍ट म्हिमैंइ लबै केउँइँले नेरो स्योलिबै ताँ पोंबै म्हिमैंउँइँले बुद्धिइ क्हिलाइ जोगेमिंब्मुँ।

हितोपदेश 3:32

तलेबिस्याँ आछ्याँबै के लप्रब्मैं याहवेहजी आखो, दिलेया सोजो म्हिमैं बिस्याँ खीजी भर लम्।

हितोपदेश 4:24

आछ्याँबै ताँ-फुँमैं क्हिए सुँउँइँले आत्होंरिगे, स्योर ताँमैं क्हिए म्हदेइ आपोंरिगे।

हितोपदेश 6:14

चए सैंइ आछ्याँबै ताँमैं मत्त्रे मैंम्, धै चइ खोंयोंन् बिलै आक्ह्रिबै ताँबै रेम्।

हितोपदेश 8:13

याहवेहलाइ म्हाँदिब आछ्याँबै के-ति पिब् ग। थेब् प्हैंब, शेखि लब, आछ्याँब् मैंब नेरो स्योलिबै ताँ पोंब्मैंलाइ ङइ आखो।

मत्ती 12:34

ओ प्‍हुरिए सन्‍तानमैं! क्‍हेमैंन् दुष्‍ट मुँसेरो खैले छ्याँबै ताँ पोंल् खाँमुँ? तलेबिस्याँ सैंर प्लिंबै ताँमैंन् सुँउँइँले पोंम्।

चेला चिब्मैंए केमैं 20:30

क्‍हेमैंए न्होंउँइँलेन् स्‍योर ताँमैं पोंबै म्हिमैं रेसि चेलामैं चमैंए लिलि बोयाब्मुँ।

१ तिमोथी 5:13

च्हौ मत्‍त्रे आङिं चमैं धिं-धिंर स्युरसि प्ल्हेउ तम्, चमैं तब-आतबै ताँमैं पोंब, आगु स्यारब, तोनतोंर्न आगुए केर यो झोंब्मैं तम्।

याकूब 1:21

छतसि ताँन् आछ्याँबै ताँ नेरो दुष्‍ट केमैं लब पिवाद्, बरु परमेश्‍वर म्हाँदिसि खीए छ्वेर बिबै ताँ क्हेमैंए सैंर थेंसि च्योंने तद्। छलस्याँ क्‍हेमैं जोगेब्मुँ।

याकूब 3:6

ङ्योए ले या मि धों तब् ग। ज्युर्बै सैमैं न्होंर ङ्योलाइ पापर च्होवाबै सै चुन् ग। चुइ ताँन् ज्यु पापर च्होवाम्। धै ङ्योइ छ्ह थोमा ङ्योए लेइ नर्गए मि धों तसि लल् त्हुबै केमैंर मि त्हवाम्।