हितोपदेश 5:7 - परमेश्‍वरए ताँ तमु क्युइर

⁷ तारे ओ ङए च्ह-च्हमिमैं, ङए ताँ थेद्, धै ङइ बिबै ताँमैं ङिंन्,

हितोपदेश 5:7 ပူးပေါင်းရင်းမြစ်များ

भजनमैं 119:102

क्हिए निसाफमैंइ बिब् धोंलेन् ङ प्ररिइमुँ, तलेबिस्याँ छले प्रबर क्हिजीन् ङ लोमिंइमुँ।

हितोपदेश 3:21

ओ ङए च्ह, छ्याँबै बुद्धि नेरो च्हैंब-म्हैबै ताँ जोगेसि थेंन् क्हिउँइँले च ह्रेंगो ह्‍‍याल् आपिंन्।

हितोपदेश 4:1

ओ च्ह-च्हमिमैं, ह्रोंसए आबाए अर्ति ङेंन्, आबाए अर्ति सैंर थेंरिद्। छलस्याँ च्हैंब् मैब् लल् खाँब्मुँ।

हितोपदेश 4:21

क्हिउँइँले च ताँमैं स्योरसि ह्‍याल् आपिंन्; च ताँमैं क्हिए खोंर थेंन्।

हितोपदेश 7:24

ओ ङए च्हमैं, ङए ताँ थेद्, धै ङइ बिबै ताँमैंर न्ह तोद्।

हिब्रू 12:25

छतसि न्ह क्रों मि क्रो तद्, ङ्योने पोंबै परमेश्‍वरजी बिब ङिंन्। तलेबिस्याँ चु पृथ्‍बीर्बै म्‍हि मोशाइ बिबै ताँ इस्राएलीमैंइ थेल् आङिंमा चमैं दण्‍डउँइँले स्योल् आखाँ बिस्याँ, झन् स्‍वर्गउँइँले पोंबै परमेश्‍वरजी बिबै ताँ आङिंब्मैं खैले स्योरल् खाँमुँ?