हितोपदेश 4:4 - परमेश्‍वरए ताँ तमु क्युइर

⁴ ङए आबाइ ङ लोदा सैंदा लदै “ङइ बिबै ताँमैं क्हिए सैंर थेंन्; ङइ बिबै ताँमैं ङिंन्, छलस्याँ क्हिइ छेनाले छ्ह थोब्मुँ,” बिमल।

हितोपदेश 4:4 ပူးပေါင်းရင်းမြစ်များ

उत्पत्ति 18:19

तलेबिस्याँ चइ ह्रोंसए च्ह-च्हमिमैं नेरो परवामैं ‘छेनाले लोदा-सैंदा लसि याहवेहजी बिब् धोंले प्रबर ल्हैदिरिगे’ बिसि ङइ च त्हाँइमुँ। चमैंइ छ लस्याँ याहवेहजी अब्राहामने फैबै बाछा पूरा लमिंब्मुँ।”

भजनमैं 119:11

क्हिए बिरोधर ङइ पाप आलरिगे बिसि क्हिजी बिबै ताँमैं ङए सैं न्होंर जोगेसि थेंइमुँ।

भजनमैं 119:144

क्हिजी बिबै ताँमैं खोंयोंन् बिलै ठिक मुँ! ङ सोरिगे बिसि च ताँमैं क्होबै शक्ति पिंन्।

भजनमैं 119:168

क्हिजी ल्हैदिबै केमैं ङइ लमुँ, धै क्हिजी बिबै ताँमैं ङइ ङिंम्; तलेबिस्याँ ङए ताँन् बानि ब्योर क्हिजी सेइमुँ।

हितोपदेश 22:6

कोलोलाइ ठिक घ्याँर प्रबर छेनाले लोद्; छलस्याँ च खेब् तन् समा च घ्याँर्न प्ररिब्मुँ।

हितोपदेश 23:26

ओ ङ‍ए च्ह, क्हिए सैं ङलाइ पिंन्; ङइ लबै केमैं क्हिए मिइ म्रोंरिगे।

हितोपदेश 3:1

ओ ङए च्ह, ङइ लोमिंबै ताँमैं आम्‍लेद्, ङइ बिबै ताँमैं ह्रोंसए खोंर थेंन्।

हितोपदेश 3:2

छलस्याँ क्हिइ ह्रिंबै छ्ह योंब्मुँ, क्हिल बिब् धों तब्मुँ।

हितोपदेश 7:2

ङइ बिबै ताँमैं ङिंस्याँ क्हिए छ्ह छ्याँब तब्मुँ; क्हिए मि फुँ जोगेब् धोंले ङए अर्तिमैं जोगेसि थेंन्।

यूहन्‍ना 12:50

खीजी ल्हैदिबै ताँउँइँले म्हिमैंइ खोंयोंइ आखाँबै छ्ह योंम् बिसि ङइ सेइमुँ। छतसि आबाजी ल्हैदिब् धोंलेन् ङइ पोंम्।”

एफिसी 6:4

ओ आबामैं, क्‍हेमैंइ ह्रोंसए प्हसेमैंलाइ छोरों ङ्हाँन्ले कच कच लसि ह्रिस खल् आलद्। बरु प्रभुलाइ म्हाँदिबै छ्याँबै बानि लोमिंसि ठिक तार झोंन्।

२ तिमोथी 1:5

छल कपट तोइ आरेबै क्हिए क्ह्रोंसेंन्बै बिश्‍वास ङइ मैंमुँ। चु बिश्‍वास ओंसों क्‍हिए बुज्‍यू लोइस नेरो क्‍हिए आमा युनिसने या मुँल। चमैंइ लब् धों तबै बिश्‍वास तोगो क्‍हिज्यै या लइमुँ बिब ङइ सेइमुँ।

२ तिमोथी 3:15

क्‍हिइ कोलो ओनोंन् परमेश्‍वरए छ्वेर्बै ताँ सेइमुँ। च छ्वेर्बै ताँमैंइ ख्रीष्‍ट येशूए फिर बिश्‍वास लब्मैंइ खोंयोंइ आखाँबै छ्ह खैले योंम् बिबै ताँ लोल् खाँम्।

हिब्रू 5:9

खी ताँन् जाँचउँइँले पास तल् खाँसि खीए ताँ म्हाँदिब्‍मैं ताँनए ल्हागिर खी खोंयोंइ आखाँबै छ्हए मुल तइमुँ।