हितोपदेश 4:26 - परमेश्‍वरए ताँ तमु क्युइर

²⁶ क्हिइ लबै केमैं ताँन् छ्याँब तरिगे बिसि। क्हिइ च्हैंसि-मैंसि के लद्;

हितोपदेश 4:26 ပူးပေါင်းရင်းမြစ်များ

भजनमैं 119:5

क्हिए निसाफमैं ङिंबै ल्हागिर ङल आछ्याँबै घ्याँर प्रबै सैं आखस्याँ कति छ्याँब् तमल!

भजनमैं 119:59

ङए बानि ब्योर ङइ च्हैंब् मैंब् लइमुँ, धै क्हिए ताँइ बिब् धोंबै घ्याँर ङइ प्रबै भों लइमुँ।

भजनमैं 37:23

म्हिइ लबै केमैं याहवेहजी खोइ बिस्याँ च प्रल् त्हुबै घ्याँर खीजीन् चलाइ डोरेम्।

भजनमैं 40:2

खीजी ङलाइ नास तबै होंल्दोउँइँले नेरो हिलए ढाबउँइँले तेसि पखइ, खीजी ङए प्हले पाराए फिर थेंमिंइ, धै ङ राबर भोंबै क्‍ल्‍ह्‍यो पिंइ।

हितोपदेश 15:21

ताँ आक्होबै म्हि आछ्याँबै के लल् योंमा सैं तोंम्, दिलेया ताँ क्होबै म्हिइ छ्याँबै केमैं लम्।

हितोपदेश 21:29

आछ्याँबै के ललैया दुष्‍ट म्हिमैं आङ्हिंनले प्रम्, दिलेया सोजो म्हिइ च्हैंसि मैंसि लल् त्हुबै केमैं लम्।

हितोपदेश 23:19

ओ ङए च्ह, थेद्, धै बुद्धि मुँब तद्, धै क्हिए सैंइ बुद्धिए ताँमैं मैंरिद्।

हितोपदेश 4:25

फा पिन् तसि क्हिए क्र क्युरु आतरिगे बिसि। भर लल् खाँब तसि ठिक केमैं लद्।

हितोपदेश 5:21

तलेबिस्याँ म्हिमैं खैले प्रब-टिब लइमुँ बिब याहवेहजी सेम्, धै खीजी चमैंइ लबै केमैंए जाँच लम्।

हितोपदेश 5:6

चइ छ्ह योंबै घ्याँउँइँ आप्र; चए प्रब-टिब आछ्याँब मुँ, अझै चइ चु ताँ सेल् आखाँ।

एफिसी 5:15

छतसि खैले छ्ह थोरिइमुँ सैंर मैंन्, आह्र-आसेबै म्हि धोंब आतद्, बुद्धि मुँबै म्हि धोंलेन् छ्ह थोद्।

एफिसी 5:17

बुद्धि आरेब्‍मैं धों आतद्, प्रभुजी खोबै के तो जा बिसि क्‍होद्।

१ थेसलोनिकी 3:13

खीजी क्हेमैंलाइ भोंब् लमिंब्मुँ, धै प्रभु येशू खीए म्हिमैंने बालु धबै चु ह्‍युलर युमा क्हेमैं ङ्योए परमेश्‍वर आबाए उँइँर बेल्‍ले छ्याँब खोट आरेब तब्मुँ।

२ थेसलोनिकी 3:3

दिलेया प्रभु येशू भर पर्दिब् मुँ। खीजी क्‍हेमैंए सैं भोंब् लमिंब्मुँ धै दुष्‍टउँइँले जोगेमिंब्‍मुँ।

हिब्रू 12:13

डुड् प्हले आथुररिगे, बरु सयारिगे बिसि क्हेमैं प्रबै घ्‍याँ सोद् लद्।

१ पत्रुस 5:10

दयाम्हाँया मुँबै परमेश्‍वरजी क्हेमैंलाइ येशू ख्रीष्‍टने घ्रिन् लमिंइमुँ, धै खीजी योंब् धों तबै खोंयोंइ आनुबै मान ङ्योज्यै या योंरिगे बिसि खीजी ङ्योलाइ त्‍हाँइमुँ। क्‍हेमैंइ तिस्याँदे दुःख योंबै लिउँइँ खीजीन् क्हेमैंलाइ धबै छारा लमिंसि, भोंसि लमिंब्मुँ धै बेल्‍ले शक्‍ति मुँब लमिंब्‍मुँ।