हितोपदेश 4:24 - परमेश्‍वरए ताँ तमु क्युइर

²⁴ आछ्याँबै ताँ-फुँमैं क्हिए सुँउँइँले आत्होंरिगे, स्योर ताँमैं क्हिए म्हदेइ आपोंरिगे।

हितोपदेश 4:24 ပူးပေါင်းရင်းမြစ်များ

भजनमैं 34:14

आछ्याँबै के लबउँइँले एखो धै छ्याँबै के लद्; आक्ह्रिबै म्हिमैं क्ह्रिमिंन्, खोंयोंन् बिलै छाबन् के लरिद्।

हितोपदेश 10:32

ठिक के लबै म्हिए सुँइ ताँनइ क्वेंबै ताँमैं पोंम्, दिलेया दुष्‍ट म्हिए सुँइ बिस्याँ सैं नल् लबै ताँमैं मत्‍त्रे पोंम्।

हितोपदेश 17:20

आछ्याँबै सैं मुँबै म्हिल बिब् धों आत, स्योलिबै ताँ पोंबै म्हिए छ्हर छ्याँब् आत।

हितोपदेश 19:1

स्योरलिबै ताँ लबै बुद्धि आरबै म्हि भन्दा बरु ङ्‍हाँदु तलेया भर लल् खाँबै के लब छ्याँब ग।

हितोपदेश 4:25

फा पिन् तसि क्हिए क्र क्युरु आतरिगे बिसि। भर लल् खाँब तसि ठिक केमैं लद्।

हितोपदेश 6:12

केर आफेबै दुष्‍ट म्हिइ आगुए ताँ लप्रम्।

हितोपदेश 8:13

याहवेहलाइ म्हाँदिब आछ्याँबै के-ति पिब् ग। थेब् प्हैंब, शेखि लब, आछ्याँब् मैंब नेरो स्योलिबै ताँ पोंब्मैंलाइ ङइ आखो।

हितोपदेश 8:8

ङइ सुँउँइँ ठिक ताँ मत्त्रे पोंम्, ङइ पोंबै ताँर छलु म्हिलु आत।

कलस्सी 3:8

दिलेया तारे क्‍हेमैंज्यै चु ताँन् सै पिवाद्: ह्रिस खब ने आगुए फिर ह्रिस लब, आगु स्यारब, ह्रोंसए सुँउँइँले आछ्याँबै ताँ पोंब पिवाल् त्‍हुम्।

१ तिमोथी 6:5

छाबै म्हिमैं मदि न्होंयाब्मैं नेरो क्ह्रोंसेंन्बै ताँ आक्वेंब्मैं ङाँर ह्‍यासि प्होंगि लल् म्हैम्, धै परमेश्‍वरए मिंर के लब् प्हैंसि ङ खैले प्लब् तब् ङ्‍हे बिसि चमैंइ मैंम्।

याकूब 1:21

छतसि ताँन् आछ्याँबै ताँ नेरो दुष्‍ट केमैं लब पिवाद्, बरु परमेश्‍वर म्हाँदिसि खीए छ्वेर बिबै ताँ क्हेमैंए सैंर थेंसि च्योंने तद्। छलस्याँ क्‍हेमैं जोगेब्मुँ।

याकूब 1:26

खाबज्यै या “ङइ ठिक के लइमुँ” बिमुँ, दिलेया ह्रोंसए सुँइ तो योंमुँ चन् पोंम् बिस्याँ चइ ह्रोंसलाइन लुम्। छाबै म्हिइ ठिक के ललैया चइ लबै के फाकर्न तम्।

१ पत्रुस 2:1

छतसि क्‍हेमैंइ ताँन् खालर्बै स्योलिबै छलु-म्हिलुए ताँमैं, ह्रिस लब, आगु स्यारब नेरो आछ्याँबै केमैं लब पिवाद्।