हितोपदेश 4:18 - परमेश्‍वरए ताँ तमु क्युइर

¹⁸ दिलेया ठिक के लप्रबै म्हि प्रबै घ्याँ चारबै ह्‍वे धोंन् तम्, च ह्‍वे त्हिंयाँ आधा समा बेल्‍ले चारदै ह्‍याम्।

हितोपदेश 4:18 ပူးပေါင်းရင်းမြစ်များ

भजनमैं 84:7

चमैं ताँन् सियोनर देवतामैंए परमेश्‍वरए आम्रोंखन् समा चमैंइ भोंए फिर भों योंम्।

भजनमैं 97:11

ठिक के लब्मैंए फिर परमेश्‍वरए ह्‍वे चारम्, धै छ्याँबै खों प्ह्‍याब्मैं सैं तोंल् योंब्मुँ।

हितोपदेश 13:9

ठिक के लबै म्हि चारबै बत्ति धों तब् ग, दिलेया दुष्‍ट म्हिमैंए बत्ति बिस्याँ सैवाब्मुँ।

हितोपदेश 15:24

बुद्धि मुँबै म्हि छ्याँबै घ्याँर प्रसि कैंडो कैंडो ह्‍याम्, बुद्धिइ चलाइ नर्गर ह्‍याबउँइँले जोगेम्।

हितोपदेश 2:20

छतसि छ्याँबै के लसि छ्ह थोबै म्हिइ धोंले क्हिज्यै या छ्ह थोद्। धै ठिक के लब्मैंए घ्याँर प्रद्।

हितोपदेश 2:9

छतसि खीजी बिबै ताँ ङिंब्मैंइ ठिक के खैले लब, खाबलाज्यै या आफेलल्‍ले ठिक निसाफ खैले लब, छ्याँबै केमैं तो जा बिसि क्होब्मुँ;

मत्ती 5:14

“झाइले अर्को ताँ, क्‍हेमैं ह्‍युलर्बै चारबै ह्‍वे ग। कोंर बनेबै सहर लोल् आखाँ।

मत्ती 5:16

छलेन क्‍हेमैंए छ्याँबै बाँनि अरू म्‍हिमैंइ म्रोंरिगे। छले क्‍हेमैंइ लबै छ्याँबै के म्हिमैंए उँइँर चाररिगे। धै चमैंइ स्वर्गर मुँबै क्हेमैंए परमेश्‍वर आबाए मान लरिगे।

मत्ती 5:45

छ लस्‍याँ मत्‍त्रे क्‍हेमैं स्‍वर्गर टिबै आबाए सन्‍तान तब्‍मुँ। तलेबिस्याँ परमेश्‍वरजी दुष्‍ट म्हिमैं नेरो छ्याँब् लब्मैं ङ्हिंना-ङ्हिंनए फिर त्‍हिंयाँ प्रेमिंमुँ, धै धर्मि नेरो पापिमैं ङ्हिंना ङ्हिंनए ल्हागिर नाँ युमिंइमुँ।

यूहन्‍ना 8:12

येशूजी धबै चमैंने बिइ, “ङ ह्‍युलर्बै चारबै ह्‍वे ग। ङए लिलि प्रबै म्हि मिछु खैबर प्रल् त्‍हुरिब् आरे। दिलेया चइ खोंयोंइ आखाँबै छ्ह पिंबै चारबै ह्‍वे योंब्‍मुँ।”

२ कोरिन्थी 3:18

छतमा तारे ङ्यो ताँनइ मोंड आउल्‍लेन् प्रभुए चारबै ह्‍वे ङ्योए मोंडउँइँले चारल् पिंम्। झाइले खीउँइँले योंबै ह्‍वेइ लमा प्रभुजी अथवा पबित्र प्ल्हजी ङ्योलाइ झन् झन् खी धोंले चारब लदै बोम्।

फिलिप्पी 2:15

छले क्‍हेमैं तोइ छ्याब् आरेब तसि परमेश्‍वर ङो आसेब्मैंए म्हाँजोर तोइ खोट आरेबै परमेश्‍वरए सन्तान तद्। छतस्याँ परमेश्‍वर ङो आसेब्मैंए उँइँर क्‍हेमैं मुसारा धोंले चारब्मुँ।

२ पत्रुस 1:19

धै अगमवक्तामैंइ येशूए बारेर बिबै ताँलाइ ङ्योइ भर लल् खाँम्। न्हाँग छझँ मि म्रोंबै त्हे आतन् समा धै न्हाँग छझँबै मुसारा आत्होंब् धोंले प्रभु येशू ख्रीष्‍ट युसि क्हेमैंए खोंर आचारन् समा अगमवक्तामैंइ प्ह्रिबै ताँ मिछु खैबर चारबै बत्ति धों तम्। छतसि चमैंए ताँलाइ न्ह क्रों मि क्रोंले थेंस्‍याँ क्‍हेमैंलाइ फायदा तम्।

२ पत्रुस 3:18

बरु ङ्योलाइ जोगेमिंबै प्रभु येशू ख्रीष्‍टए थेबै दयाम्हाँया नेरो बुद्धिर बडिदै ह्‍याद्। खीलाइ तोगो नेरो खोंयोंइ या थेबै मान तरिगे। आमेन, छान् तरिगे।

दर्शन 21:23

च सहरर मि म्रोंबै ल्हागिर त्हिंयाँ नेरो लयाँ आचैदि, तलेबिस्याँ परमेश्‍वरए ह्‍वे चए फिर चारमुँ, च सहरर्बै बत्ति क्‍यु च्हजन् ग।

दर्शन 22:5

च सहरर खोंयोंइ या म्‍हुँइँस तरिब् आरे। छतसि चमैंलाइ बत्ति नेरो त्‍हिंयाँ चैदिरिब आरे, तलेबिस्याँ याहवेह परमेश्‍वरए ह्‍वेजीन् चमैंए मि म्रोंल् लमिंब्मुँ। धै म्रुँइ लब् धोंले चमैंइ खोंयोंइ या ग्याल्स लब्‍मुँ!