हितोपदेश 4:10 - परमेश्‍वरए ताँ तमु क्युइर

¹⁰ ओ ङए च्ह थेद्, ङइ बिबै ताँमैं ङेंन्, धै क्हिइ ह्रिंबै छ्ह योंब्मुँ।

हितोपदेश 4:10 ပူးပေါင်းရင်းမြစ်များ

हितोपदेश 19:20

सल्‍ला पिंबै ताँमैं थेदु धै अर्थिमैं सैंर थेंन्, छलस्याँ क्हि ह्रब्-सेब् तब्मुँ।

हितोपदेश 2:1

ओ ङए च्ह, ङए ताँ क्हिइ छेनाले थेइ बिस्याँ, ङइ बिबै ताँमैं क्हिए सैं न्होंर थेंइ बिस्याँ,

हितोपदेश 3:16

बुद्धिए क्योलो योउँइँ ह्रिंबै छ्ह मुँ; धै त्हरग्यो योउँइँ सै न्होर नेरो मान इजेत मुँ।

हितोपदेश 3:2

छलस्याँ क्हिइ ह्रिंबै छ्ह योंब्मुँ, क्हिल बिब् धों तब्मुँ।

हितोपदेश 8:10

चाँदि भन्दा ङए अर्ति थेद्, छ्याँबै मारा भन्दा ङए ज्ञान म्हैद्,

१ थेसलोनिकी 2:13

धै ङिइ क्‍हेमैंने परमेश्‍वरए ताँ बिमिंमा क्‍हेमैंइ “चु क्‍ह्रोंसेंन परमेश्‍वरए ताँ मुँन” बिसि छेनाले थेसि सैं तोंन्‍ले क्‍वेंइ। चु ताँ म्‍हिइ बिबै ताँ आङिं, परमेश्‍वरजी बिबै ताँ क्‍हेमैंइ म्हाँदिइ। धै क्हेमैंए सैंरि परमेश्‍वरजी के लइनमुँ। छतसि ङिइ खोंयोंइ बिलै परमेश्‍वरलाइ धन्‍यबाद पिंरिम्।

१ तिमोथी 1:15

चु ताँ क्ह्रोंसेंन्बै मुँ, छतसि चु ताँ ताँन् म्हिमैंइ क्वेंल् त्‍हुम्: ङ्योए प्रभु पापिमैं जोगेबर ह्‍युलर युब् ग। पापिमैं न्होंरि ताँन् भन्दा ल्हें पाप लबै म्हि ङन् ग।