हितोपदेश 31:30 - परमेश्‍वरए ताँ तमु क्युइर

³⁰ छ्याँबै मोडा फाक्‍कर्न ग, च तिस्याँर्न उडियाम्, दिलेया याहवेहलाइ म्हाँदिबै च्हमिरिलाइन थेब् लल् त्हुम्।

हितोपदेश 31:30 ပူးပေါင်းရင်းမြစ်များ

भजनमैं 112:1

याहवेहए मिं थेब लद्! याहवेहलाइ मान लब धै खीए ताँमैं सैं तोंदै म्हाँदिबै म्हिइ आशिक योंम्!

भजनमैं 147:11

दिलेया याहवेहलाइ मान लब्मैं नेरो खीए खोंयोंइ आनुबै म्हाँयार भर लब्मैंने खी सैं तोंमुँ।

हितोपदेश 1:7

बुद्धि योंबै ल्हागिर म्हिमैंइ याहवेहलाइ म्हाँदिल् त्हुम्; दिलेया आमादुइ छ्ह खैलेन् थोलेन् तम् बिमुँ, धै ज्ञान बुद्धिए ताँमैं थेल् आङिं।

हितोपदेश 11:16

आगुए फिर ल्हयो खबै च्हमिरिलाइ ताँनइ मान लम्, दिलेया ल्हयो आखबै म्हिइ सै न्होर मत्त्रे खुम्।

हितोपदेश 11:22

च्हमिरि छ्याँब् मुँलेया बुद्धि आरेस्याँ तिलिए नखुँर माराए बुँलाकि खिब् धोंन् तब् ग।

हितोपदेश 22:4

च्योंरि तब नेरो याहवेहलाइ म्हाँदिबै म्हिइ सै न्होर, इजेत नेरो ह्रिंबै छ्ह योंम्।

हितोपदेश 31:29

“ल्हें च्हमिरिमैंइ छ्याँबै के लमुँ, दिलेया चमैं ताँनलाइ क्हिइन ट्होवाइमुँ।”

हितोपदेश 31:31

चइ छले छ्याँबै केमैं लसेरो चलाइ मान लद्, सहरर्बै ताँन् म्हिमैंए उँइँर चलाइ मान लरिगे।

हितोपदेश 6:25

च च्हमिरिलाइ छ्याँब म्रोंसि आछ्याँबै सैं आमैंन्, चए मिइ क्हिलाइ आफसेरिगे।

हितोपदेश 8:13

याहवेहलाइ म्हाँदिब आछ्याँबै के-ति पिब् ग। थेब् प्हैंब, शेखि लब, आछ्याँब् मैंब नेरो स्योलिबै ताँ पोंब्मैंलाइ ङइ आखो।

लूका 1:6

चमैं ङ्हिंइ परमेश्‍वरए उँइँर ठिक के लमल धै परमेश्‍वरए ताँमैं ङिंसि ठिमर बिब् धोंले छेनाले प्रमल।

रोमी 2:29

बरु सैं न्‍होंर परमेश्‍वरजी चिनु लबै म्‍हि क्‍ह्रोंसेंन्‍बै यहूदी ग। चु सैं न्‍होंर चिनु लबै के ठिमइ लल् आखाँ, चु परमेश्‍वरए प्ल्हइ लबै के ग। छाबै म्‍हिइ म्‍हिमैंउँइँले आङिं, परमेश्‍वरउँइँले मान योंम्।

१ कोरिन्थी 4:5

छतसि ठिक त्हे आतन् समा खाबै फिरै या क्हेमैंइ छ्याब् आल्हैदिद्, ताँनए निसाफ प्रभुजीन् च त्हेर लम्। म्हिमैंइ आसेल्‍ले लबै आछ्याँबै केमैं या ताँनइ सेल् लमिंब्मुँ, छलेन म्‍हिमैंए सैं न्‍होंर्बै ताँमैं या उँइँमिंब्‍मुँ। धै म्हिमैंइ खैबै केमैं लइमुँ च अनुसार्बै इनाम परमेश्‍वरजी चमैंलाइ पिंब्‍मुँ।

याकूब 1:11

तलेबिस्याँ त्‍हिंयाँ सार्ले प्रेमा प्हो ङ्योंलोंवाम्, धै ट खारयासि केर आफेब् तयाम्। च धोंलेन् प्लबै म्‍हि या छ लस्यो छु लस्यो ङ्हाँन-ङ्हाँन् सियाम्।

१ पत्रुस 1:24

तलेबिस्याँ छ्वेर छले प्ह्रिइमुँ, “ताँन् म्‍हिमैं छि धों तब् ग, म्‍हिए ज्यु कति छ्याँब मुँलेया ट धों तब् ग। छि ङ्योंलोयाम् धै टै या खारयाम्।

१ पत्रुस 1:7

च दुःखमैं तले तम् बिस्याँ क्‍हेमैंइ छेनाले बिश्‍वास लन उ आलन बिसि तब् ग। मारा मिर ख्रोंसि जाँच लब् धोंले क्‍हेमैंलाज्यै या जाँच लब् ग, दिलेया क्‍हेमैंए बिश्‍वास नास तयाबै मारा भन्दा सै ल्हें फेम्। छतसि येशू ख्रीष्‍ट एयुबै त्हिंइर क्‍हेमैंए बिश्‍वास बेल्‍ले छ्याँब तसि क्हेमैंइ स्याबासि, मान नेरो छ्याँबै बयन योंब्मुँ।