हितोपदेश 31:10 - परमेश्‍वरए ताँ तमु क्युइर

¹⁰ छ्याँबै सिर-सुबास मुँबै प्ह्रेंस्यो खाबै योंल् खाँमुँ? च हिरा-मोति भन्दै या ल्हें छ्याँब् तम्।

हितोपदेश 31:10 ပူးပေါင်းရင်းမြစ်များ

हितोपदेश 12:4

सिर सुबास मुँबै च्हमिरि ह्रोंसए प्युँए ल्हागिर मुकुट ग, दिलेया प्युँलाइ फापिल् लबै प्ह्रेंस्यो प्युँए ह्रिब क्राँयाब धोंन् तब् ग।

हितोपदेश 14:1

बुद्धि मुँबै च्हमिरिइ ह्रोंसए धिंर्बै तौदु छेनाले लम्, दिलेया आमादु च्हमिरिइ ह्रोंसए धिं-नाँ फुवाम्।

हितोपदेश 18:22

प्ह्रेंस्यो योंबै म्हिइ छ्याँब सै योंम् धै चइ याहवेहउँइँले दयाम्हाँया योंम्।

हितोपदेश 19:14

धिं नेरो सै न्होरमैं आबाउँइँले खम्, दिलेया च्हैंब् मैंब् लल् खाँबै प्ह्रेंस्यो बिस्याँ याहवेहउँइँले खम्।

हितोपदेश 20:15

मारा, चाँदिमैं ल्हें मुइ फेबै सै मुँन बिलेया, च भन्दा थेब ज्ञान बुद्धिए ताँ पोंबै म्हि ग।

हितोपदेश 3:15

हिरा-मोति भन्दा च सै ल्हें फेम्, क्हिइ खोबै तोइ सैमैंने या च च्हैंल् आखाँ।

हितोपदेश 31:11

चए प्युँइ चए फिर भर थेंम्, धै चलाइ तो सैलैया खाँचो तरिब् आरे।

हितोपदेश 8:11

तलेबिस्याँ हिरा-मोति भन्दा बुद्धि ठिक मुँ, क्हिइ म्हैबै छ्याँ-छ्याँबै सैमैं बुद्धिने च्हैंल् आखाँ।

रूथ 3:11

तारे ढुक्‍का तसि टिद्। क्हिलाइ चैदिबै के ङइ क्हिए लागिर लमिंब्मुँ, तलेबिस्याँ क्हि छ्याँबै सुबास मुँबै च्हमिरि ग बिसि चुर्बै ताँन् म्हिमैंइ सेइमुँ।