हितोपदेश 30:9 - परमेश्‍वरए ताँ तमु क्युइर

⁹ आस्याँ प्लब् तबइले ङइ क्हिलाइ म्‍लेयालै धै “याहवेह खाब् जा?” बिसि ङइ बिलै; ङ ङ्हाँदु तसि ह्‍योलै, धै ङए परमेश्‍वरए मिं ङइ वालै।

हितोपदेश 30:9 ပူးပေါင်းရင်းမြစ်များ

भजनमैं 125:3

ठिक के लब्मैंए ह्‍युलर दुष्‍टमैं तरिब् आरे, आस्याँ ठिक के लब्मैंए योइ आछ्याँबै के लब्मुँ।

प्रस्थान 20:7

“ह्रोंसए याहवेह परमेश्‍‍वरए मिं फाकर्र्न आकिंन्, तलेबिस्याँ ङए मिं फाक्‍कर्न किंब्मैंलाइ ङइ छ्याब् ल्हैदिब्मुँ।

प्रस्थान 5:2

दिलेया फारोइ बिइ, “याहवेह बिब खाब् रो? ङइ तले चए ताँ ङिंसि इस्राएलीमैं ह्‍याल् पिंब? याहवेह ङइ ङो आसे, छतसि इस्राएलीमैं ङइ ह्‍याल् आपिं।”

हितोपदेश 29:24

ह्‍योने बालु त्हुँबै म्हि ह्रोंसए ल्हागिर्न शत्तुर ग; तलेबिस्याँ अड्‍डारि क्ह्रोसेंन्बै ताँमैं पोंस्याँ चइ सजैं योंब्मुँ, दिलेया आपोंस्याँ परमेश्‍वरउँइँले सराप योंब्मुँ।

मत्ती 26:72

पत्रुसइ कसम चसि “आङिं! ङइ च म्हि ङो आसे,” बिइ।

मत्ती 26:74

दिलेया पत्रुसइ “ङइ च म्हि सेन् आसे बिसि ह्रोंसलाइन सराप पिंदै कसम चबर होंइ।” छ बिबै तोदोंन् नग भाले ओरइ।