हितोपदेश 30:8 - परमेश्‍वरए ताँ तमु क्युइर

⁸ स्योर तेब नेरो लुबै ताँमैं ङउँइँले ह्रेंगो थेंमिंन्; धै ङ ङ्हाँदु आलमिंन्, प्लबै या आलमिंन्; दिलेया ङए ल्हागिर चैदिबै चबै सै पिंन्।

हितोपदेश 30:8 ပူးပေါင်းရင်းမြစ်များ

उत्पत्ति 28:20

च लिउँइँ याकूबइ परमेश्‍वरने छले भकल लइ, “ओ परमेश्‍वर ङने बालु क्हि तइ बिस्याँ, प्रबै घ्याँर ङ जोगेमिंइ बिस्याँ, धै ङ चबै क्हें नेरो खिबै क्वें पिंइ बिस्याँ,

भजनमैं 119:29

आछ्याँबै घ्याँमैंउँइँले ङलाइ स्यो लसि थेंन्; धै ङए फिर दयाम्हाँया लसि क्हिए ठिमर्बै ताँमैं ङ लोमिंन्!

भजनमैं 119:37

ङए मिइ केर आफेबै सैमैं ङ्ह्‍योल् आपिंन्; क्हिए ताँइ बिब् धोंलेन् ङए‍ रक्षा लमिंन्।

प्रस्थान 16:15

इस्राएलीमैंइ च म्रोंसि खेंमैंए न्होंरि “चु सै तो जा?” बिबर होंइ, तलेबिस्याँ चमैंइ च सै तो जा बिसि आसेल। छतमा मोशाइ चमैंने बिइ, “चु याहवेहजी क्हेमैंए ल्हागिर पिंबै क्हें ग।

प्रस्थान 16:18

चमैंइ च चबै सै क्होंइँमा ल्हें खुब्मैंला ल्हें आत, च्युगुदे खुब्मैंलैया च्युगुदे आत। चमैं ताँनइ ह्रोंसइ चल् खाँब्दे खुइ।

प्रस्थान 16:29

सैंर थेंन्, याहवेहजी क्हेमैंए ल्हागिर प्रिबै त्हिंइ पिंइमुँ। छतसि याहवेहजी क्हेमैंए ल्हागिर ट्हुगैंर ङ्हिरोबै क्हें पिंइमुँ। ङिगैंर क्हेमैं ताँन् खनिर मुँ चर्न टिरिद्, खाबै या ह्रोंसए धिंउँइँले बैरु आह्‍याद्।”

प्रस्थान 16:35

इस्राएलीमैं कनान ह्‍युलर फेनेसि टिबै तौदु आतन् समा चमैंइ मन्‍न चरिइ।

हितोपदेश 13:5

ठिक के लबै म्हिइ स्योर ताँ आपों, दिलेया दुष्‍ट म्हिइ फापिन् तबै ताँ पोंसि इजेत वाम्।

हितोपदेश 21:6

छलु म्हिलु लसि तोबै सै न्होर उडियाबै म्हस्यो नेरो कालए ङो ग।

हितोपदेश 22:8

आछ्याँबै के लप्रबै म्हिए फिर दु:ख खम्; धै अरूलाइ दु:ख पिंप्रब चइ पियाब्मुँ।

हितोपदेश 23:5

तिस्याँदे ल्हागिर सै न्होर योंम्; दिलेया नुयाम्, तलेबिस्याँ चल प्ह्‍यामैं प्ह्‍यामुँ धै क्रोवे धोंले मुउँइँ प्हुरयाम्।

हितोपदेश 30:7

ओ परमेश्‍वर ङइ क्हिने ताँ ङ्हिं ह्रिम्; ङ सिब् भन्दा ओंसों च ताँमैं ङए ल्हागिर लमिंन्:

मत्ती 6:11

ङिलाइ तिंयाँ त्हिंइ ह्रोंसेबै चबै सै पिंनु।

मत्ती 6:33

बरु ओंसों क्हेमैंए सैं परमेश्‍वरए ग्याल्सउँइँ ल्‍हैदिद्, खीजी बिब् धोंले ताँन् लद्। धै खीजी चु ताँन् सैमैं क्हेमैंलाइ थप्दिमिंब्मुँ।

लूका 11:3

ङिए त्हिंइ ह्रोंसेबै चबै सै तिंयाँ ङि पिंनुँ।

यूहन्‍ना 2:8

च लिउँइँ खीजी चमैंने “च्युगुदे बोसि भत्‍यारर्बै चिबने म्ह्‍योंबर पिंन्,” बिमा चमैंइ च्युगुदे बोसि पिंइ।

चेला चिब्मैंए केमैं 14:15

“ओ म्हिमैं! क्‍हेमैंइ तले छाबै के लमुँ? ङि या क्हेमैं धोंबन् दुःख सुख भुँदिबै म्हिमैंन् ग। चु स्योलिबै के पिसि क्हेमैं परमेश्‍वरउँइँ सैं एखरिगे बिसि ङिइ खीउँइँले खबै सैं तोंबै ताँ बिमिंब् ग। मु, पृथ्‍बी, मा ङ्युँइ नेरो चर मुँबै तोन्दोंरि सैमैं बनेबै सोगों परमेश्‍वर खीन् ग।