हितोपदेश 30:5 - परमेश्‍वरए ताँ तमु क्युइर

⁵ परमेश्‍वरए ताँ छ्याब आरेब मुँ; खीए प्हलेर खब्मैं ताँनल खी ढाल ग।

हितोपदेश 30:5 ပူးပေါင်းရင်းမြစ်များ

उत्पत्ति 15:1

च लिउँइँ याहवेह अब्राम ङाँर म्रोंयुसि चने बिइ, “अब्राम, क्हि आङ्हिंन्, क्हिए ढाल ङन् ग; ङइ क्हिलाइ बेल्‍ले थेबै इनाम पिंब्मुँ।”

भजनमैं 119:140

क्हिजी फैबै बाछार्बै ताँमैं जाँच लसि पक्‍का मुँ, छतसि क्हिए के लबै म्हिइ च ताँ बेल्‍ले खोम्।

भजनमैं 12:6

याहवेहजी फैबै बाछामैं खोट आरेब मुँ, सए कोदर मिइ ङिखे समा खारिदिबै चाँदि धोंब खीजी फैबै बाछा मुँ।

भजनमैं 144:2

खी ङए फिर खोंयोंइ आनुबै म्हाँया लबै परमेश्‍वर नेरो ङए किल्‍ला ग, ङलाइ खाबज्यै तोइ लल् आपिंब ङलाइ जोगेब परमेश्‍वर ग, खी ङए ढाल ग, खीए प्हलेर्न ङ ग्वार योंमुँ। खीजी अरू ह्रेंमैंलाइ ङए न्होंर थेंमिंमुँ।

भजनमैं 18:2

याहवेह ङ लोबै पारा, ङए किल्‍ला नेरो ङ जोगेमिंबै ङए परमेश्‍वर ग। ङए परमेश्‍वर ङ रक्षा लमिंबै पारा ग। ढाल धोंले भोंब् तसि खीजी ङलाइ जोगेमिंम्! ङ खाबज्यै तोइ लल् आखाँबै क्ल्ह्‍योर खीजी थेंमिंइ।

भजनमैं 18:30

परमेश्‍वरए बारेर बिब् ग बिस्याँ, खीए घ्याँ बेल्‍ले छ्याँब मुँ, याहवेहजी बिबै बाछा भर लल् खाँब मुँ; खीए प्हलेर ग्वार योंब्मैं ताँनए ल्हागिर ढाल ग।

भजनमैं 18:31

तलेबिस्याँ याहवेह धों तबै परमेश्‍‍वर अरू खाब् मुँ? ङ्योए परमेश्‍वर धों तबै लोबै पारा अरू खाब् मुँ रो?

भजनमैं 19:8

याहवेहए ठिममैं ठिक मुँ, खीजी ल्हैदिबै के लइ बिस्याँ सैं तोंल् योंम्। याहवेहजी बिबै ताँमैं ठिक मुँ, च ताँमैंइ ङ्योए न्ह मि थोंमिंम्।

भजनमैं 3:3

दिलेया ओ याहवेह, क्हि ङलाइ जोगेमिंबै ढाल ग, क्हिजी ङलाइ मान पिंम्, क्हिजी ङए क्र कैंडो लमिंम्।

भजनमैं 84:11

तलेबिस्याँ याहवेह परमेश्‍वर त्हिंयाँ नेरो ढाल ग; याहवेहजी दयाम्हाँया लमुँ धै मान इजेत पिंम्; ठिक घ्याँर प्रब्मैंलाइ खीजी ताँन् छ्याँबै सैमैं पिंब्मुँ।

भजनमैं 91:2

याहवेहए बारेर ङ बिब्मुँ, “खी ङए ग्वार योंबै क्‍ल्‍ह्‍यो नेरो ङए किल्‍ला ग, खी ङए परमेश्‍वर ग, खीए फिर ङइ भर थेंम्।”

हितोपदेश 2:7

सोजो म्हिमैंलाइ खीजी ट्होगो लमिंम्; धै स्योर आतेल्‍ले प्रब्मैंलाइ रक्षा लम्।

हितोपदेश 29:25

म्हि म्रोंसि ङ्हिंब्मैं ङोर फेम्, दिलेया याहवेहए फिर भर लब्मैं तोइ सैने ङ्हिंल् आत्हु।

रोमी 7:12

परमेश्‍वरजी पिंबै ठिम पबित्र मुँ, धै चुइ ठिक ताँ लोमिंम्, म्‍हिमैंए ल्हागिर चु छ्याँब मुँ।

याकूब 3:17

दिलेया परमेश्‍वरजी ह्रब्-सेबै लमिंबै म्‍हिए सैं छ्याँब तम्, धै चइ आक्ह्रिब्मैं क्ह्रिमिंब, आगुए फिर ल्हयो खब, च्हैंसि मैंसि के लब, दयाम्हाँया लब, छ्याँबै केमैं लब, खाबै आफेलल्‍ले क्ह्रोंसेंन्बै ताँ लब तम्।