हितोपदेश 30:14 - परमेश्‍वरए ताँ तमु क्युइर

¹⁴ चमैंए समैं सेलाँ धों तब् ग; चमैंए बङ्गारा क्होजा धों तब् मुँ। चमैंइ ङ्हाँदुमैंलाइ क्ल्ह्‍योंवाम्, धै आयों-आख्युब्मैंलाइ सैवाम्।

हितोपदेश 30:14 ပူးပေါင်းရင်းမြစ်များ

भजनमैं 12:5

“आखाँम्मैं लुडिवाइमुँ, धै ङ्हाँदुमैंइ दुःखए सो हेंइमुँ। छतसि तारे ङ रेब्मुँ, धै चमैंए न्होह्रों लब्मैंउँइँले ङइ चमैं जोगेमिंब्मुँ,” बिसि याहवेहजी बिमुँ

भजनमैं 124:6

याहवेहजी शत्तुरमैंए योउँइँले ङ्योलाइ सिल् आपिं। छतसि खीए मिं थेब् तरिगे!

भजनमैं 14:4

चु आछ्याँबै के लब्मैंइ तोइ आसे वा? ह्‍योइ लुडिब् धोंले चुमैंइ ङए म्हिमैं लुडिसि ह्रोंसए फो न्हम्, चुमैंइ याहवेहए मिं खोंयोंइ आकिं।

भजनमैं 3:7

ओ याहवेह ल्हुसे! ओ ङए परमेश्‍वर, ङलाइ जोगेमिंन्! ङए ताँन् शत्तुरमैंए क्ह्राँबोर ल्हिमिंन्; धै दुष्‍टमैंए स चोमिंन्।

भजनमैं 52:2

क्हि फिब्लो पार्दिसि के लमुँ, छ्यारबै छुरिइ धोंले क्हिए लेइ नास लवाबै चाँजो लम्।

भजनमैं 57:4

ङ सिंहमैं धों तबै म्हिमैंए म्हाँजोर मुँ; म्हिलाइ नास लबै खेदोमैंने ङ टिल् त्हुइमुँ। चुमैंए स बर्षा नेरो मे धों तब मुँ, चुमैंए ले बेल्‍ले छ्यारबै क्होज धों तब मुँ।

भजनमैं 57:5

ओ परमेश्‍वर, क्हि मु भन्दा क्होवाइ मुँ बिसि ताँन् म्हिमैंने उँइँमिंन्; धै ह्‍युल् तिगोंन् क्हिए थेबै मिंए बयन तरिगे!

भजनमैं 58:6

ओ परमेश्‍वर, चमैंए स चमैंए सुँ न्होंर्न चोवामिंन्; ओ याहवेह, च सिंहमैं धों तबै दुष्‍टमैं म्हिमैंए काँस पोंवामिंन्।

हितोपदेश 12:18

खैज्हिजिले पोंमा सेलाँइ धोंले म्हिलाइ म्‍लोम्, दिलेया च्हैंसि मैंसि छेनाले पोंमा नरिबै सैं सल् लम्।

हितोपदेश 22:16

ह्रोंसए सै न्होर ल्हें लबर ङ्‍हाँदुमैंलाइ ह्रुगुदिब्मैं नेरो प्लब्मैंलाइ क्होल्समैं पिंब ङ्हिंन-ङ्हिंन् ङ्‍हाँदु तब्मुँ।

हितोपदेश 28:3

ङ्हाँदुमैंलाइ ह्रुगुदिबै क्रथे मिथेमैं म्ल्ह नारिमैं तोइ आचैल्‍ले नास लवाबै नाँ-तिस्यु धों तब् ग।

हितोपदेश 30:15

जुकाल च्हमि ङ्हिं मुँ: चमैंइ “पिंन्! पिंन्!” बिदै ओररिम्। खोंयोंइ सान्दोक् आतबै सै सोंथो मुँ; खोंयोंइ “योइ” आबिबै सै प्लिथो मुँ।

मत्ती 23:13

“धिक्‍कार मुँ, शास्‍त्रिमैं नेरो फरिसीमैं, क्‍हेमैं फिब्लो पार्दिब्मैं! स्‍वर्गर्बै ग्याल्सर होंल् म्हैबै म्‍हिमैंलाइ क्‍हेमैंइ म्रा तोरवाम्। क्‍हेमैं ह्रोंसै या आहों, होंल् म्‍हैब्‍मैंलाज्यै या होंल् आपिं।

दर्शन 9:8

चमैंए क्रप्हो च्हमिरिमैंए क्रप्हो धों तब् मुँल। चमैंए स सिंहए स धों तब् मुँल।