हितोपदेश 3:5 - परमेश्‍वरए ताँ तमु क्युइर

⁵ क्हिए सैं न्होंउँइँलेन् याहवेहए फिर भर थेंन्, ङइ तोन्दोंरि ह्रइमुँ-सेइमुँ बिसि ह्रोंसए फिर भर आलद्।

हितोपदेश 3:5 ပူးပေါင်းရင်းမြစ်များ

भजनमैं 125:1

याहवेहए फिर भर थेंब्मैं सियोन कों धों तम्, च कोंलाइ खाबज्यै लाल् आखाँ, खोंयोंन् बिलै तरिम्।

भजनमैं 37:3

छतसि याहवेहए फिर भर थेंनु, धै छ्याँबै केमैं लद्; क्हेमैं ह्‍युलर टिमा योब ख्युब तब्मुँ।

भजनमैं 37:5

ह्रोंसइ लल् म्हैबै तोन्दोंरि के याहवेहए योर्न थेंवाँन्, खीए फिर्न भर थेंन्, धै क्हिए ल्हागिर तो लल् त्हुमुँ खीजीन् लमिंब्मुँ।

भजनमैं 37:7

याहवेहए उँइँर च्याँले टिदु, धै आअदेल्‍ले खीलाइ पैंरिद्; आछ्याँबै के लबै म्हि प्लब् तमा, धै चइ आछ्याँबै चाँजोमैं लमा सैं च्योंब् आलद्।

भजनमैं 62:8

छतसि ओ म्हिमैं, खोंयोंन् बिलै खीनेन् भर थेंन्; खीए ओंसों ह्रोंसए सैंर्बै ताँ बिद्; तलेबिस्याँ ङ्योए ग्वार ह्रिबै क्‍ल्‍ह्‍यो परमेश्‍वर ग। तिस्याँदे मैंन्

हितोपदेश 22:19

क्हिए भर याहवेहए फिर तरिगे बिसि तिंयाँ ङइ चु ताँमैं क्हिलाइ लोमिंइमुँ, आँ क्हिलाइन लोमिंम्।

हितोपदेश 23:4

प्लब् तबर क्हिइ दु:खले के आलद्; ह्रोंसए बुद्धिइ तोइ के आलद्।

हितोपदेश 28:26

ह्रोंसए बुद्धिर मत्‍त्रे प्रबै म्हि आमादु ग, दिलेया ह्रब्-सेब्मैंए अर्थिमैं किंबै म्हि जोगेब्मुँ।

हितोपदेश 3:7

क्हि ह्रोंसन् ह्रब्-सेब् आप्हैंन्; याहवेहलाइ म्हाँदिद्, आछ्याँबै केमैं पिवाद्।

रोमी 12:16

ताँनने क्‍ह्रिइ टिद्, थेब् आप्हैंन्, बरु कुरब्मैंने बालु प्रद्, ह्रोंसन् बेल्‍ले ह्रब्-सेब् आप्हैंन्।

एफिसी 1:12

छतसि ख्रीष्‍टए फिर आशा थेंब्‍मैं न्‍होंरि ओंसोंबै म्‍हिमैं तबइले ङि यहूदीमैंइ “परमेश्‍वरए मिं बेल्‍ले थेब् लदै छ्ह थोरिगे!” बिसि खीजी ङिलाइ त्हाँइ।