हितोपदेश 3:34 - परमेश्‍वरए ताँ तमु क्युइर

³⁴ आगुलाइ प्ह्रब्मैंलाइ खीजी प्ह्रम्, दिलेया कुरब्मैंलाइ खीजी ल्हयो खम्।

हितोपदेश 3:34 ပူးပေါင်းရင်းမြစ်များ

भजनमैं 138:6

याहवेह बेल्‍ले थेब मुँलेन थेब् आप्हैंब्मैंलाइ खीजी ङ्ह्‍योम्, दिलेया थेब् प्हैंब्मैं बिस्याँ खीजी ह्रेंगोउँइँलेन् ङो सेम्।

भजनमैं 18:26

छ्याँबै के लब्मैंने क्हिजी छ्याँबन् लमुँ, धै खाबने या आक्ह्रिबै म्हिमैंने क्हिजी आक्ह्रिबै ब्यबहार लम्।

हितोपदेश 1:26

छतसि क्हेमैंए फिर आफत तमा ङ निस्योब्मुँ। धै क्हेमैंए फिर दु:ख तमा ङइ क्हेमैं प्ह्रब्मुँ।

हितोपदेश 14:9

आछ्याँबै के कतिन् ललेया आमादुमैंइ तो धोंइ आङ्हाँ, दिलेया ठिक के लबै म्हिलाइ ताँनइ म्हाँदिम्।

हितोपदेश 16:19

थेब् प्हैंब्मैंने क्ह्रिसि लुडिबै सैमैं चुब् भन्दा बरु च्योंने तसि ङ्‍हाँदुमैंने टिब छ्याँब् ग।

हितोपदेश 19:29

खैच्हिजिले पोंब्मैंए ल्हागिर दण्ड, धै बुद्धि आरेबै म्हिए क्होर प्रिंबै ल्हागिर कोर्रामैं तयार लथेंइमुँ।

हितोपदेश 21:24

ह्रिस खदै ओग्रोंले के लबै म्हिलाइ “घमण्डि” बिम्, च दयाम्हाँया आरेब नेरो बुद्धि आरेब् तम्।

हितोपदेश 9:12

क्हि बुद्धि मुँब् तइ बिस्याँ, बुद्धिइन क्हिलाइ इनाम पिब्मुँ; दिलेया खैच्हिजिले पोंस्याँ क्हिज्यै दु:ख योंब्मुँ।

याकूब 4:6

दिलेया खीजी अझै दयाम्हाँया लम्। छतसि परमेश्‍वरए छ्वेर छले बिइमुँ, “थेब् प्हैंब्मैंलाइ खीजी आखो, दिलेया च्योंने तब्मैंए फिर दयाम्हाँया लम्।”

१ पत्रुस 5:5

छलेन ओ फ्रेंसि छमिमैं, क्हेमैंए चिब्मैंइ बिब् ङिंन्। क्‍हेमैं ताँन् ह्रोंस ह्रोंसए न्होंर थेब् आप्हैंन्ले घ्रिइ घ्रिए सेवा लद्, तलेबिस्याँ परमेश्‍वरए छ्वेर छले प्ह्रिइमुँ: “परमेश्‍वरजी थेब् प्हैंब्मैंए बिरोध लम्, दिलेया थेब् आप्हैंब्मैंए फिर आशिक पिंम्।”