हितोपदेश 3:33 - परमेश्‍वरए ताँ तमु क्युइर

³³ दुष्‍टमैंए धिंर याहवेहजी सराप पिंम्, ठिक के लब्मैंए धिंर बिस्याँ खीजी आशिक पिंम्।

हितोपदेश 3:33 ပူးပေါင်းရင်းမြစ်များ

भजनमैं 1:3

च स्योंए रेर रुँइँबै सिंधुँ धोंन् तम्। चइ रो रोल् त्हुबै त्हेर रो पिंम्, धै चए प्हो खोंयोंइ आङ्योंलों। चइ तो के ललेया छ्याँब तम्।

भजनमैं 37:22

याहवेहउँइँले आशिक योंब्मैंइ ह्‍युलए फिर क्ल्हे लब्मुँ, दिलेया खीउँइँले सराब योंब्मैं बिस्याँ नास तयाब्मुँ।

भजनमैं 91:10

छतसि क्हिल तोइ नोक्सन् तरिब् आरे, क्हि टिबै धिं ङाँर ह्रिंमैं खरिब् आरे।

हितोपदेश 10:6

ठिक के लबै म्हिइ आशिक योंमुँ, दिलेया दुष्‍ट म्हिइ छ्याँ-छ्याँबै ताँ पोंलेया चए सैंर आछ्याँबन् तम्।

हितोपदेश 14:11

दुष्‍ट म्हिमैंए धिं फुवाब्मुँ, ठिक के लब्मैंल बिब् धोंन् तब्मुँ।

हितोपदेश 15:6

ठिक के लबै म्हिए धिंर सै न्होर ल्हें तम्, दिलेया दुष्‍ट म्हिइ कमैंबै सै न्होरइ चमैंए फिर्न दु:ख पम्।

हितोपदेश 21:12

दुष्‍ट म्हिमैंए धिंर तो-तो तइमुँ बिसि परमेश्‍वरजी सेम्; धै चमैंइ आछ्याँबै के लबइले खीजी चमैंलाइ नास लवाम्।