हितोपदेश 3:29 - परमेश्‍वरए ताँ तमु क्युइर

²⁹ क्हिए फिर भर लसि क्हिए ङाँर टिबै म्हिए बिरोधर जाल आरोद्।

हितोपदेश 3:29 ပူးပေါင်းရင်းမြစ်များ

भजनमैं 35:20

तलेबिस्याँ चमैंइ क्ह्रिबै ताँ खोंयोंइ आपों, क्ह्रिसि टिब्मैंए म्हाँजोरै या स्योलिबै ताँमैं बिसि छ्याब् ल्हैदिल् म्हैम्।

भजनमैं 55:20

ङए थुइ ह्रोंसने क्ह्रिबै थुमैंए फिर्न खैच्हिजी लइ; छले चइ ह्रोंसइ फैबै बाछा फुवाइ।

भजनमैं 59:3

ङ्ह्‍योद्! ङलाइ सैबर चमैं ह्रेसि टिइमुँ; चमैं ङए बिरोधर रासि “खैले चलाइ सैल् योंब् ङ्‍हे?” बिसि ङलाइ च्ह्‍याइ टिइमुँ। दिलेया ओ याहवेह, ङइ तोइ अपराध, तोइ पाप आलइमुँ,

हितोपदेश 14:22

आछ्याँबै केए चाँजो लब्मैं घ्याँ फ्लेब्मुँ, दिलेया छ्याँबै केए चाँजो लब्मैंलाइ ताँनइ म्हाँया लसि भर लल् खाँम्।

हितोपदेश 6:14

चए सैंइ आछ्याँबै ताँमैं मत्त्रे मैंम्, धै चइ खोंयोंन् बिलै आक्ह्रिबै ताँबै रेम्।

हितोपदेश 6:18

आछ्याँबै चाँजोमैं लबै सैं, आछ्याँबै के लबर युन्-युन् प्रबै प्हले,