हितोपदेश 29:5 - परमेश्‍वरए ताँ तमु क्युइर

⁵ ह्रोंसए ङ्‍हेब्मैंने स्युइट्टले पोंबै म्हिइ ह्रोंसए प्हलेर्न जाल तिम्।

हितोपदेश 29:5 ပူးပေါင်းရင်းမြစ်များ

भजनमैं 12:2

ताँनइ ह्रोंसए ङ्‍हेब् ट्हुब्मैंने स्योर तेसि पोंम्, चमैं फिब्लो पार्दिसि स्योर ताँमैं पोंम्।

भजनमैं 36:2

तलेबिस्याँ चइ ङम् ङन् ग बिसि ह्रोंसलाइ थेब् लम्, धै ह्रोंसइ लबै आछ्याँबै केमैं चइ आम्रों; छतसि चइ पाप केमैंन् लरिम्।

भजनमैं 5:9

चमैंए सुँइ क्ह्रोंसेंन्बै ताँ आपों; चमैंए खों आछ्याँबै सैमैंइ प्लिंइमुँ; चमैंए म्‍लोगो थोंथेंबै छगों ग; छतसि चमैंइ फिब्लो पार्दिसि पोंम्।

हितोपदेश 1:17

नमेमैंइ म्रोंन्ले जाल् तिब फाक्‍कर्न ग,

हितोपदेश 20:19

ताँ प्ह्रेबै म्हिइ बिल् आतबै ताँमैं बिप्रम्; छतसि ताँ प्ह्रेप्रबै म्हिने आप्रद्।

हितोपदेश 26:28

स्योलिबै ताँ पोंबै म्हिइ ह्रोंसइ पोंबै ताँइ सैं नल् लबै म्हिलाइन हेल् लम्, धै सुँइ मत्त्रे छ्याँब लबै म्हिइ न्होह्रों लम्।

हितोपदेश 28:23

स्युइट्टले पोंबै म्हिइ भन्दा हौदिबै म्हिइ लिउँइँ धन्यबाद योंम्।

हितोपदेश 7:21

वाँ-वाँसि च म्हिलाइ चइ भुत्तुक्‍कन लवाइ, धै लिरिक्‍ले पोंसि चलाइ फसेवाइ।

हितोपदेश 7:5

चइ फ्यालुस्योउँइँले क्हि ह्रेंगो थेंब्मुँ, धै लिरिक्‍ले पोंसि फसेल् म्हैबै च्हमिरिउँइँले क्हि जोगेब्मुँ।

रोमी 16:18

तलेबिस्याँ छाबै म्‍हिमैंइ ङ्योए प्रभु येशू ख्रीष्‍टए ल्हागिर आङिं, दिलेया ह्रोंसए फोए ल्हागिर सेवा लम्। चमैंइ ननाओलिबै छ्याँबै ताँमैं पोंसि सोजो म्‍हिमैं धोका पिंम्।

१ थेसलोनिकी 2:5

ङि क्हेमैं ङाँर खमा ङिइ फिब्लो पार्दिबै ताँमैं तोइ आपों बिसि क्हेमैइ सेइमुँ। धै ङिइ तोइ योंम् उ बिसि लोबै या आलल, चु ताँर परमेश्‍वर ङिए साक्षि मुँ।