हितोपदेश 29:4 - परमेश्‍वरए ताँ तमु क्युइर

⁴ ठिक निसाफ बनेबै म्रुँइ ह्‍युल भोंब् लम्, दिलेया मुइए फिर मि ङ्ह्‍योब्मैंइ ह्‍युल न्होंवाम्।

हितोपदेश 29:4 ပူးပေါင်းရင်းမြစ်များ

भजनमैं 89:14

ठिक के नेरो ठिक निसाफ लसि क्हिजी ग्याल्स लम्; क्हिजी खोंयोंन् आनुबै म्हाँया नेरो भर लल् खाँबै के लम्।

भजनमैं 99:4

म्रुँ बेल्‍ले भोंब मुँ, ठिक निसाफ खीजी खोम्। क्हिजी खाबै आफेलल्‍ले निसाफ लमुँ; याकूबए सन्तानमैंए फिर क्हिजी ठिक निसाफ नेरो ठिक के लइमुँ।

हितोपदेश 14:34

ठिक के लमा ह्‍युलए मिं थेब् तम्, दिलेया पापइ ह्‍युलए न-मि वाम्।

हितोपदेश 16:10

म्रुँइ छ्याँबै ताँ पोंमुँ; धै खोंयोंइन ठिक निसाफ लमिंम्।

हितोपदेश 16:12

ठिक के लबै म्रुँइ खोंयोंइ ग्याल्स लम्, तलेबिस्याँ छाबै म्रुँइ आछ्याँबै के तिफुँइ आखो।

हितोपदेश 20:8

ह्रोंसए राजगद्दिर टिसि निसाफ लमा म्रुँइ आछ्याँबै के लब्मैं ताँन् सेम्।

हितोपदेश 29:14

ङ्हाँदुमैंए ल्हागिर छेनाले निसाफ लमिंबै म्रुँए ग्याल्स खोंयोंइन भोंब् तरिम्।

हितोपदेश 8:15

ङउँइँले बुद्धि योंसि म्रुँमैइ ग्याल्स लमुँ, धै क्रथे मिथेमैंइ ठिक ठिम बनेम्;