हितोपदेश 29:3 - परमेश्‍वरए ताँ तमु क्युइर

³ बुद्धि मुँबै च्हइ आबालाइ सैं तोंन् लम्, दिलेया रण्डिबाजी लप्रबै च्हइ ह्रोंसए सै न्होर ताँन् नुवाम्।

हितोपदेश 29:3 ပူးပေါင်းရင်းမြစ်များ

हितोपदेश 10:1

बुद्धि मुँबै च्हइ ह्रोंसए आबा सैं तोंन् लम्, दिलेया आमाबै च्हइ आमालाइ न्हुँ खल् लम्।

हितोपदेश 15:20

बुद्धि मुँबै च्हइ आबालाइ सैं तोंन् लम्, दिलेया आमादुमैंइ ह्रोंसए आमालाइ तो धोंइ आङ्हाँ।

हितोपदेश 21:17

सयल थोबै म्हि ङ्‍हाँदु तम्; धै प्हा नेरो छ्युगु ल्हें चबै म्हि प्लब आत।

हितोपदेश 21:20

बुद्धि मुँबै म्हिए धिंर सै न्होर नेरो छ्युगुइ प्लिंब्मुँ, दिलेया आमादुइ ह्रोंसइ योंबै मुइ ताँन् उडेयाम्।

हितोपदेश 23:15

ओ ङए च्ह, क्हि बुद्धि मुँब् तइ बिस्याँ, ङए सैं बेल्‍ले तोंब्मुँ।

हितोपदेश 27:11

ओ ङए च्ह, ङलाइ म्हि आच्हिल्‍ले पोंब्मैंए उँइँर ङइ जवाफ पिंल् योंरिगे बिसि बुद्धि मुँब् तद्, ङए सैं तोंन् लबै के लद्।

हितोपदेश 28:19

ह्रोंसए म्रों तासि रुइब्मैंने ल्हें चबै सै तब्मुँ, दिलेया केर आफेबै ताँमैंए लिलि प्रब्मैं ङ्हाँदु तब्मुँ।

हितोपदेश 28:7

ठिमर्बै ताँइ बिब् धोंले प्रब बुद्धि मुँबै च्ह ग; दिलेया चब् थुँबै लिलि मत्त्रे प्रबै च्हइ ह्रोंसए आबालाइ फापिन् लम्।

हितोपदेश 6:26

तलेबिस्याँ फ्यालुस्योइ क्हि ङ्‍हाँदु लवाम्, धै फ्रें क्ल्योंप्रबै च्हमिरिइ क्हिए छ्ह नास लवाम्।

लूका 15:13

दे त्हे लिउँइँ च्‍ह च्‍योंबइ ह्रोंसए अँश चुँवाँसि ताँन् मुइ खागु लसि धिंउँइँले त्‍होंयाइ। धै ह्रेंगोर्बै ह्‍युलर ह्‍यासि बेल्‍ले फुर्मास लसि मुइ ताँन् नुवाइ।

लूका 15:30

क्‍हिए सै न्होर बोसि ताँन् नुवाबै च्ह एखमा चए ल्हागिर क्‍हिइ छोबै क्‍यु साँडे सैसि च्‍हौ थेबै भत्‍यार लमिंब आ।’