हितोपदेश 29:2 - परमेश्‍वरए ताँ तमु क्युइर

² ठिक के लब्मैं बडिमा म्हिमैं सैं तोंम्, दिलेया दुष्‍ट म्हिमैंइ ग्याल्स लमा म्हिमैंइ दुःख योंम्।

हितोपदेश 29:2 ပူးပေါင်းရင်းမြစ်များ

एस्तर 3:15

म्रुँइ ल्हैदिब् धोंले च प्ह्रिछ्या बोब्मैं युनन् क्ल्ह्‍यो क्ल्ह्‍योर ह्‍याइ। चु ताँमैं राजधानी शूशनर्बै म्हिमैंने या बिइ। चु ताँ थेसि शूशनर्बै म्हिमैं खैलबैल तइ, दिलेया म्रुँ नेरो हामान बिस्याँ प्हा थुँबर टिइ।

एस्तर 8:15

च लिउँइँ म्रुँमैंइ खिबै तार्ग्या नेरो मु रङर्बै क्वें खिसि मोर्दकै कलाँजी रङर्बै सुतिए पछ्यौर पोइ, धै माराइ बनेबै मुकुट कुसि मोर्दकै म्रुँए दरबाराउँइँले त्होंइ। छले शूशन सहरर मुँबै ताँन् म्हिमैं बेल्‍ले सैं तोंदै उफर्दिइ,

हितोपदेश 11:10

ठिक के लब्मैंल बिब्धों-मैंब्धों तमा सहरर्बै म्हिमैं आनन्द तम्, छलेन दुष्‍ट म्हिमैं नास तमा म्हिमैं सैं तोंम्।

हितोपदेश 28:12

ठिक के लब्मैंइ ट्होमा ताँन् सैं तोंब्मुँ, दुष्‍टमैंइ ट्होमा म्हिमैं लोबर होंम्।

हितोपदेश 28:15

दुष्‍ट म्रुँइ ग्याल्स लमा ङ्हाँदुमैं झन ङ्हाँदु तम्, छाबै म्रुँ ग्राँ-ग्राँ बिबै चें नेरो ह्‍वाखबै भलु धों तब् ग।

हितोपदेश 28:28

दुष्‍ट म्हिमैंइ ग्याल्स लमा म्हिमैं लोयाम्, दिलेया चमैं नास तमा ठिक के लब्मैं बडिम्।

मत्ती 2:16

ङ्‌ह्‍योब् लिब्मैंइ खीने स्योर तेना बिब् सेसि हेरोद बेल्‍ले ह्रिस खइ। चइ मुसारा म्रोंबै त्हे च ङ्‌ह्‍योब् लिब्मैंने ङ्योएसि ओंसोंन् था सेल् खाँल। छतमा चमैंइ बिबै त्हे मैंसि हेरोदइ बेथलेहेम नेरो च खागुबै नाँसजरेबै ङ्हिंदि न्होंर्बै मुँयुँ कोलोमैं ताँन् सैबर ल्‍हैदिइ।

मत्ती 2:3

चु ताँ थेसि हेरोद म्रुँ बेल्‍ले आतिदिइ धै यरूशलेमथेंमैं या ताँन् आतिदिइ।

दर्शन 11:15

झाइले धाँसे लिउँबै स्‍वर्गदूतइ थुतुरु ह्रामा स्‍वर्गउँइँले थेबै कैमैंइ “ङ्योए याहवेह परमेश्‍वर नेरो खीजी कुल्मिंबै म्रुँ ख्रीष्‍टजी पृथ्‍बीर्बै ग्याल्स लबै हग योंइमुँ। खीजी खोंयोंन् बिलै ग्याल्स लरिब्‍मुँ,” बिरिल।