हितोपदेश 29:1 - परमेश्‍वरए ताँ तमु क्युइर

¹ कतिन् हौदिसेया पोथाँइ आनबै म्हि थाइ आसेल्‍ले नास तयाम्।

हितोपदेश 29:1 ပူးပေါင်းရင်းမြစ်များ

प्रस्थान 9:7

फारोइ चजरे ङ्‍ह्‍योबर म्हिमैं कुलमा इस्राएलीमैंल खेदोमैं घ्रि या सिब चमैंइ आम्रों। छान् तलेया फारोए सैं सारो तरिसि चइ म्हिमैं ह्‍याल् आपिं।

हितोपदेश 28:14

याहवेहलाइ म्हाँदिरिबै म्हिए फिर आशिक युम्, दिलेया खीजी बिब् आङिंबै म्हि नास तयाम्।

हितोपदेश 28:18

छ्याँबै घ्याँर प्रबै म्हि जोगेब्मुँ, आछ्याँबै घ्याँर प्रबै म्हि तिख्खेर क्हुरियाब्मुँ।

हितोपदेश 28:28

दुष्‍ट म्हिमैंइ ग्याल्स लमा म्हिमैं लोयाम्, दिलेया चमैं नास तमा ठिक के लब्मैं बडिम्।

हितोपदेश 6:15

छतसि चए फिर थाइ आसेल्‍ले दुःख खब्मुँ; धै मैं-ङों लल् आयोंल्‍लेन् च सियाब्मुँ।

यूहन्‍ना 13:18

“ङइ क्हेमैं ताँनए बारेर बिब् आङिं। ङइ त्हाँबै म्हि ङइ सेमुँ। दिलेया ‘ङए क्हें चबै म्हिइ ङए फिर प्हलेइ ह्‍याँइ’ दिलेया ठिमर प्ह्रिबै ताँ पूरा तरिगे बिसि छ तब् ग।

यूहन्‍ना 13:26

येशूजी बिइ, “खाबलाइ ङइ क्हें लुँठे प्हेलार तुँइसि पिंमुँ, च चन् ग।” छ बिसि खीजी क्हें लुँठे प्हेलार तुँइसि सिमोनए च्‍ह यहूदा इस्‍करियोतथें पिंइ।

चेला चिब्मैंए केमैं 1:18

(च म्हिइ छाबै आछ्याँबै केमैं लसि योंबै मुइइ क्ल्ह्‍यो घ्रि किंइ, धै च क्ल्ह्‍योर्न च क्युरु थिंले तेयाइ। छतमा चए फो तियासि चए न्हाँनु-भुँडिमैं ताँन् स्वालयाइ।

चेला चिब्मैंए केमैं 1:25

तलेबिस्याँ च यहूदा क्हिए के लबै ल्हागिर कुल्मिंबै चेला चिब तबर क्हिजी त्हाँलेया चइ च के पिसि सजैं योंबै क्ल्ह्‍योर ह्‍याइ।”

१ थेसलोनिकी 5:3

च त्हेर म्‍हिमैंइ “शान्‍ति ने सुरक्षा तइमुँ, ङ्योए फिर आछ्याँबै ताँ तोइ तल् आखाँ,” बिरिमा सुत्‍केरि बेथा ल्हैदिब् धोंले तिखेर्न चमैंए फिर दुःख तब्‍मुँ। च दुःखउँइँले खाबै या स्योरल् आखाँ।