हितोपदेश 28:25 - परमेश्‍वरए ताँ तमु क्युइर

²⁵ लोबि म्हिइ प्होंगि लम्, दिलेया याहवेहने भर थेंबै म्हिल बिब् धों तम्।

हितोपदेश 28:25 ပူးပေါင်းရင်းမြစ်များ

भजनमैं 84:12

ओ स्वर्गर्बै सेनामैंए चिब याहवेह, क्हिए फिर भर थेंबै म्हिइ आशिक योंम्!

हितोपदेश 10:12

आगुलाइ म्‍लोसि पोंमा प्होंगि तम्, दिलेया म्हाँया लमा आछ्याँबै ताँमैं म्‍लेयाम्।

हितोपदेश 10:3

याहवेहजी ठिक के लब्मैं फोतें तल् आपिं, दिलेया दुष्‍टमैंइ मैंब् धों तब खीजी लल् आपिं।

हितोपदेश 11:25

आगुए खाँचोर पिंल् खाँबै म्हिल बिब् धों तम्, धै अरूलाइ भों खबै ताँ बिमिंसि सैं क्होमिंबै म्हिए ल्हागिर ल्होबै म्हि योंम्।

हितोपदेश 13:10

थेब् प्हैंस्याँ प्होंगि मत्‍त्रे तम्, दिलेया सल्‍ला किंस्याँ ह्रब्-सेब् तम्।

हितोपदेश 13:4

प्ल्हेगु म्हिइ ल्हें सै म्हैलेया चइ तोइ आयों, दिलेया भोंन्ले के लबै म्हिइ तोन्दोंरि योम्।

हितोपदेश 15:18

युनन् ह्रिस खबै म्हिइ प्होंगि तल् लम्, दिलेया युनन् ह्रिस आखबै म्हिइ प्होंरिबै म्हिमैं क्ह्रिल् लम्।

हितोपदेश 15:27

लोबि म्हिइ ह्रोंसए परवार दु:ख पखम्, दिलेया घुस आकिंबै म्हि सोब्मुँ।

हितोपदेश 15:30

लिथों ङ्‍होथो तब्मैं म्रोंमा सैं तोंम्, धै छ्याँबै सँउँसर थेल् योंमा भों खम्।

हितोपदेश 21:24

ह्रिस खदै ओग्रोंले के लबै म्हिलाइ “घमण्डि” बिम्, च दयाम्हाँया आरेब नेरो बुद्धि आरेब् तम्।

हितोपदेश 22:10

आगुलाइ प्ह्रब्मैं बैरु तेवाद्; छलस्याँ प्होंगि तब, गाल् केब, सैं नबै ताँमैं नुयाम्।

हितोपदेश 29:22

दुष्‍ट म्हिइ प्होंगि लम्, धै युनन् ह्रिस खबै म्हिइ ल्हें पाप लम्।

हितोपदेश 29:25

म्हि म्रोंसि ङ्हिंब्मैं ङोर फेम्, दिलेया याहवेहए फिर भर लब्मैं तोइ सैने ङ्हिंल् आत्हु।

१ तिमोथी 6:6

दिलेया खाबइ ह्रोंसने तो मुँ च सैर्न सन्तोकले परमेश्‍वरए के लमुँ चन् प्लब् तम्।