हितोपदेश 28:18 - परमेश्‍वरए ताँ तमु क्युइर

¹⁸ छ्याँबै घ्याँर प्रबै म्हि जोगेब्मुँ, आछ्याँबै घ्याँर प्रबै म्हि तिख्खेर क्हुरियाब्मुँ।

हितोपदेश 28:18 ပူးပေါင်းရင်းမြစ်များ

भजनमैं 125:5

दिलेया आछ्याँबै के लप्रब्मैं बिस्याँ याहवेहजी दुष्‍ट के लब्मैंलाइ पिंब् धों तबै सजैं पिंब्मुँ! इस्राएलए फिर शान्ति तरिगे!

भजनमैं 25:21

ङइ स्योर आतेइमुँ, ङइ लबै छ्याँब आछ्याँबै केमैं ताँन् ङइ क्हिनेन् बिइमुँ। छतसि ङलाइ जोगेमिंन्, तलेबिस्याँ ङइ क्हिए फिर्न आशा थेंइमुँ।

भजनमैं 26:11

दिलेया ङइमि छ्याब् आखबै छ्ह थोइमुँ; छतसि ङलाइ जोगेमिंन्, ङए फिर दयाम्हाँया लमिंन्।

भजनमैं 84:11

तलेबिस्याँ याहवेह परमेश्‍वर त्हिंयाँ नेरो ढाल ग; याहवेहजी दयाम्हाँया लमुँ धै मान इजेत पिंम्; ठिक घ्याँर प्रब्मैंलाइ खीजी ताँन् छ्याँबै सैमैं पिंब्मुँ।

हितोपदेश 10:25

नाँ-खैं खमा दुष्‍टमैं घ्रि या चैरिब् आरे, दिलेया ठिक के लब्मैं बिस्याँ खोंयोंन् बिले तरिब्मुँ।

हितोपदेश 10:27

याहवेहजी बिबै ताँ ङिंमा ह्रिंबै छ्ह योंम्, दिलेया दुष्‍ट म्हिमैंए छ्ह बिस्याँ घटिदिवाब्मुँ।

हितोपदेश 10:9

भर लल् खाँबै म्हि खनिर ह्‍यालै ढुक्‍कले प्रम्, दिलेया छलु म्हिलु लबै म्हिलाइ बिस्याँ म्हिमैंइ स्याब्मुँ।

हितोपदेश 28:10

सोजो म्हिलाइ वाँसि आछ्याँबै घ्याँउँइँ बोयाबै म्हि ह्रोंसन् ङोर फेम्, दिलेया सोजो म्हिइ आशिक योंम्।

हितोपदेश 28:6

छलु म्हिलु लसि प्लब् भन्दा ठिक के लसि ङ्हाँदु तब छ्याँब ग।

गलाती 2:14

सैं तोंबै ताँइ बिब् धोंले चमैं आप्रब् म्रोंसि ताँन् म्हिमैंए उँइँर ङइ पत्रुसने बिइ, “क्‍हि यहूदी तसेया यहूदीमैंए छ्यार आप्रल्‍ले अरू ह्रेंमैं धोंले प्रइमुँ। छतसि अरू ह्रेंर्बै म्‍हिमैंने यहूदीमैंए छ्यार प्रल् त्‍हुम् बिसि क्हिइ खैले कर ल्‍हैदिम्?”

१ थेसलोनिकी 5:3

च त्हेर म्‍हिमैंइ “शान्‍ति ने सुरक्षा तइमुँ, ङ्योए फिर आछ्याँबै ताँ तोइ तल् आखाँ,” बिरिमा सुत्‍केरि बेथा ल्हैदिब् धोंले तिखेर्न चमैंए फिर दुःख तब्‍मुँ। च दुःखउँइँले खाबै या स्योरल् आखाँ।

दर्शन 3:3

छतसि क्‍हेमैंइ तो लोइ, तो थेइ, च ताँ मैंन्। च ताँइ बिब् धोंले के लसि पाप लबउँइँले सैं एद्। क्‍हि न्ह क्रों मि क्रों आतइबिस्याँ ह्‍यो खब् धोंले क्‍हेमैंइ था आसेल्‍ले ङ युब्‍मुँ।