हितोपदेश 28:11 - परमेश्‍वरए ताँ तमु क्युइर

¹¹ प्लबै म्हिइ ह्रोंसलन् ह्रब्-सेब् प्हैंमुँ। दिलेया ङ्हाँदुन् तलेया ताँ क्होबै म्हिइ च खैतब् मुँ बिसि सेम्।

हितोपदेश 28:11 ပူးပေါင်းရင်းမြစ်များ

हितोपदेश 18:11

प्लबै म्हिए सैंर ह्रोंसने मुँबै सै न्होरन् भोंबै सहर ग; धै चए सैंर च बेल्‍ले नुल्‍ले झोंबै गारा धों तब् ग।

हितोपदेश 18:17

अर्को म्हि खसि ताँ छलफल आलन् समा मुद्दा झोंबै म्हिन् ठिक म्रोंम्।

हितोपदेश 19:1

स्योरलिबै ताँ लबै बुद्धि आरबै म्हि भन्दा बरु ङ्‍हाँदु तलेया भर लल् खाँबै के लब छ्याँब ग।

हितोपदेश 23:4

प्लब् तबर क्हिइ दु:खले के आलद्; ह्रोंसए बुद्धिइ तोइ के आलद्।

हितोपदेश 26:12

ह्रोंसन् ह्रब्-सेब् ग बिसि प्हैंबै म्हि म्रोंइमुँ वा? छाबै म्हि भन्दा बरु आमादुए फिर आशा थेंल् खाँम्।

हितोपदेश 26:16

च्हैंसि मैंसि पोंबै म्हि ङि भन्दा प्ल्हेगुइ ह्रोंसन् ह्रब्-सेब् ङ्‍हाँम्।

हितोपदेश 26:5

आमादुने पोंब् अनुसार्बै जवाफ चलाइ पिंन्, आस्याँ चइ ह्रोंसन् ह्रब् सेब् तब् मैंम्।

हितोपदेश 3:7

क्हि ह्रोंसन् ह्रब्-सेब् आप्हैंन्; याहवेहलाइ म्हाँदिद्, आछ्याँबै केमैं पिवाद्।

रोमी 11:25

ओ अरू ह्रेंर्बै अलि-अङाँमैं, क्‍हेमैं थेब आप्हैंरिगे बिसि क्हेमैंइ चु खास ताँ घ्रि क्होल् त्हुम्: परमेश्‍वरजी त्‍हाँबै अरू ह्रेंर्बै ताँन् म्‍हिमैंइ येशू ख्रीष्‍टए फिर बिश्‍वास आलन् समा मत्‍त्रे यहूदीमैंइ सैं सारो लब्मुँ।

रोमी 12:16

ताँनने क्‍ह्रिइ टिद्, थेब् आप्हैंन्, बरु कुरब्मैंने बालु प्रद्, ह्रोंसन् बेल्‍ले ह्रब्-सेब् आप्हैंन्।

१ तिमोथी 6:17

चु ह्‍युलर्बै प्लबै म्हिमैंने थेब् आप्हैंन् बिद्, चमैं प्लब् आप्‍हैंरिगे, आटिक्‍दिबै सै न्होरर आशा आथेंरिगे, बरु चमैंए आशा ङ्योलाइ चैदिबै सैमैं तोन्दोंरि योल्‍ले ख्युल्‍ले पिंबै परमेश्‍वरए फिर थेंरिगे।