हितोपदेश 27:6 - परमेश्‍वरए ताँ तमु क्युइर

⁶ क्ह्रिबै थुइ छ्याँब तरिगे बिसिन् हौदिस्याँ चए ताँ क्‍वेंल् खाँम्, दिलेया शत्तुरइ म्हाँया लब् धों तलेया चए सैंइ आछ्याँबन् मैंम्।

हितोपदेश 27:6 ပူးပေါင်းရင်းမြစ်များ

भजनमैं 141:5

ठिक के लबै म्हिइ ङलाइ धोंरिगे, छ लमा ङए ल्हागिर म्हाँया लब् धोंन् तब्मुँ, चइ ङ हौदिरिगे, छले हौदिमा ङए क्रए ल्हागिर छ्युगु तब्मुँ। ङए क्रइ च छ्युगु स्योवारिब् आरे। दिलेया आछ्याँबै के लब्मैंए बिरोधर ङइ खोंयोंइ बिलै प्राथना लब्मुँ।

हितोपदेश 10:18

सैं न्होंर आगुलाइ हेल लबै ताँ लोस्याँ क्हि स्योलिबै म्हि ग, धै आगुइ आब्रु ह्‍याबै ताँ लप्रबै म्हि आमादु ग।

हितोपदेश 20:30

बेल्‍ले नल्‍ले प्रिंस्याँ आछ्याँबै के लब पिवाम्; छलेन कोर्राइ प्रुमा सैं ख्रुवाम्।

हितोपदेश 27:7

बेल्‍ले म्रेंबै म्हिइ क्वे खुदु या आनि; दिलेया फो ख्रेंब्मैंइ आलिंबै सै या लिंन् छोरम्।

हितोपदेश 28:23

स्युइट्टले पोंबै म्हिइ भन्दा हौदिबै म्हिइ लिउँइँ धन्यबाद योंम्।

हिब्रू 12:10

ङ्योए आबामैंइ छ्याँब् मैंब् धों तरिगे बिसि ङ्योलाइ तिस्याँदे तार झोंइ। दिलेया परमेश्‍वर आबाजीम् ङ्यो खी धोंबन् पबित्र तसि ङ्योइ आशिक योंरिगे बिसि तार झोंम्।

दर्शन 3:19

म्हाँया लब्मैंलाइ ङइ हौदिमुँ, धै तार झोंम्। छतसि भों लसि क्‍हिइ लबै पापउँइँले सैं एद्।