हितोपदेश 27:4 - परमेश्‍वरए ताँ तमु क्युइर

⁴ ह्रिस खबै म्हिने दयाम्हाँया आत; छाबै म्हि तोन्-तोर्न त्होंदो राम्; दिलेया ह्रिस लबै म्हिए ओंसों खाब राल् खमुँ?

हितोपदेश 27:4 ပူးပေါင်းရင်းမြစ်များ

उत्पत्ति 26:14

चल ल्हें र-क्युमैं, मे-क्ल्हामैं नेरो केब्छैं-केब्स्योमैं तब् म्रोंसि पलिश्तीमैंइ चए फिर ह्रिस लबर होंइ।

उत्पत्ति 37:11

छतमा चए आघेंमैंइ चने ह्रिस लबर होंइ। दिलेया आबाइ बिस्याँ च ताँ सैं न्होंर्न थेंइ।

उत्पत्ति 38:9

दिलेया च्होंउँइँले खबै प्हसे ह्रोंसल आतब् सेसि चों ङाँर ह्‍यामा ओनानइ आघेंलै या प्हसे आतरिगे बिसि प्लु सर भ्योंवामल।

हितोपदेश 14:30

सैंर न्हुँ आरेस्याँ ज्यु छ्याँब तमुँ, दिलेया आगुए फिर ह्रिस लमा ह्रुइब क्राँयाम्।

हितोपदेश 27:3

युँमा नेरो बलुवा बेल्‍ले ल्हिम्; च भन्दै या आमादुमैंइ पखबै दुःख झन् ल्हिम्।

हितोपदेश 6:34

तलेबिस्याँ च म्रिंस्योए प्युँलाइ ह्रिस खल् लमा झन् ह्रिस खम्, छतसि ल्हयो आखल्‍ले चइ खि किंम्।

मत्ती 27:18

तलेबिस्याँ चमैंइ येशूए फिर ह्रिस लसि खी ङाँर पखब् ग बिब क्रथेइ था सेल।

चेला चिब्मैंए केमैं 17:5

दिलेया कोइ यहूदीमैंइ ह्रिस लसि बजारर्बै बदमासमैं खागु लसि ल्हें म्हि रेसि सहरर खैला-बैला लबर होंइ, धै यासोनए धिंर खैच्हिजिले होंसि पावल नेरो सिलास म्हिमैंए उँइँर पखल् म्हैइ।

चेला चिब्मैंए केमैं 5:17

छतमा ख्रो पिंबै खेगि क्रथे नेरो चने बालु मुँबै सदुकीमैं ताँनइ कुल्मिंबै चेला चिब्मैंए फिर ह्रिस लसि चमैंए बिरोध लबर होंइ।

चेला चिब्मैंए केमैं 7:9

“याकूबए च्ह योसेफने चए अलिमैंइ ह्रिस लमल। छतसि चमैंइ योसेफ मिश्र ह्‍युलर चुँवाँइ। दिलेया परमेश्‍वर चने बालु मुँल,

रोमी 1:29

छतसि चमैं ताँन् खालर्बै आछ्याँबै के, दुष्‍ट के, लोब लब, ह्रिस लब, सैं आसब, आगुए न्होह्रों तबै केमैं लब, म्हि सैब, प्होंगि मिब, आगुए के न्होंवाब, फ्रम् ताँ लब,

१ यूहन्‍ना 3:12

ङ्यो स्‍योंम्‍बै कयिन बिबै म्‍हि धों तब तल् आत। च दुष्‍टल् मुँल, छतसि चइ ह्रोंसए अलि सैवाइ। चइ ह्रोंसए अलि तले सैवाइ बिस्‍याँ चइ लबै के आछ्याँब मुँल, दिलेया अलिइ लबै केमैं छ्याँब मुँल।