हितोपदेश 26:3 - परमेश्‍वरए ताँ तमु क्युइर

³ घोडालाइ कोर्रा, गधालाइ लगाम झोंब् धोंले, आमादुए क्होर प्हरेइ प्रिंल् त्हुम्।

हितोपदेश 26:3 ပူးပေါင်းရင်းမြစ်များ

भजनमैं 32:9

क्हेमैं बुद्धि आरेबै घोडा नेरो खच्‍चर धों आतद्! चमैंलाइ तार झोंबै ल्हागिर लगाम नेरो पैए प्हरे चैदिम्, आस्याँ क्हिइ चमैंलाइ तार झोंल् आखाँ।”

हितोपदेश 10:13

च्हैब् मैंब् लसि ताँ क्होबै म्हिइ बुद्धिए ताँ पोंम्, दिलेया आमाबै म्हिए ल्हागिर प्हरे चैदिम्।

हितोपदेश 17:10

ताँ क्होबै म्हिलाइ तिला लोदा सैंदा लमा छ्याँब तम; दिलेया बुद्धि आरेबै म्हिलाइ कोर्राइ प्रखे प्रुलेया तार आख।

हितोपदेश 19:25

आगुलाइ प्ह्रबै म्हिलाइ कोर्राइ प्रुद्, छलस्याँ ताँ आक्होबै म्हिइ बुद्धिए ताँ लोब्मुँ; ताँ क्होबै म्हिलाइ हौदिद्, छलस्याँ चइ ज्ञान बुद्धिए ताँ झन् क्होब्मुँ।

हितोपदेश 19:29

खैच्हिजिले पोंब्मैंए ल्हागिर दण्ड, धै बुद्धि आरेबै म्हिए क्होर प्रिंबै ल्हागिर कोर्रामैं तयार लथेंइमुँ।

हितोपदेश 27:22

नारि ह्रेंदोर प्ह्रोब् धोंले आमादुलाइ खलर झोंसि म्ल्ह धोंले धोंलेया चइ ह्रोंसए आमादु बानि पिरिब् आरे।

१ कोरिन्थी 4:21

क्‍हेमैंए सैंर खै ङ्हाँमुँ, ङ क्‍हेमैं ङाँर प्हरे छेसि खले उ? म्हाँया नेरो लोदा सैंदा लबर खले?

२ कोरिन्थी 10:6

ङिइ लद् बिबै केमैं ताँन् क्‍हेमैंइ लल् खाँबै लिउँइँ ङिइ बिब् आङिंब्‍मैंलाइ दण्‍ड पिंबर ङि तयार तब्‍मुँ।

२ कोरिन्थी 13:2

ओंसोंन् ङ क्‍हेमैं ङाँर मुँमा पाप लब्मैं आलब्मैं ताँनलाइ ङइ लोदा सैंदा लब् धोंलेन्, तोगो ह्रेंगो मुँलेया ङइ क्‍हेमैंलाइ लोदा सैंदा लम्: ङ धबै क्‍हेमैं ङाँर खमा ओंसों पाप लब्मैं मत्‍त्रे आङिं, ङइ लोदा सैंदा लसेया अझै पाप के लरिब्मैं खाबै मुँस्याँ चमैंलाज्यै या ङइ सजैं पिंब्मुँ।