हितोपदेश 26:28 - परमेश्‍वरए ताँ तमु क्युइर

²⁸ स्योलिबै ताँ पोंबै म्हिइ ह्रोंसइ पोंबै ताँइ सैं नल् लबै म्हिलाइन हेल् लम्, धै सुँइ मत्त्रे छ्याँब लबै म्हिइ न्होह्रों लम्।

हितोपदेश 26:28 ပူးပေါင်းရင်းမြစ်များ

उत्पत्ति 39:17

लिउँइँ चए प्युँ खमा चु ताँ बिइ, “ङ्यो ङाँर क्हिइ पखबै च हिब्रू केब्छैं ङए मिं वाबर धिं न्होंर खइ।

हितोपदेश 2:16

फ्रें क्ल्योंप्रबै च्हमिरिउँइँले नेरो आछ्याँबै के लबै म्रिंस्योइ वाँबै ताँउँइँले बुद्धिइ क्हिलाइ जोगेमिंब्मुँ।

हितोपदेश 29:5

ह्रोंसए ङ्‍हेब्मैंने स्युइट्टले पोंबै म्हिइ ह्रोंसए प्हलेर्न जाल तिम्।

हितोपदेश 6:24

आछ्याँबै के लप्रबै च्हमिरि नेरो छ्याँ-छ्याँबै ताँ पोंसि फसेल् म्हैबै च्हमिरिउँइँले चइ जोगेब्मुँ।

हितोपदेश 7:5

चइ फ्यालुस्योउँइँले क्हि ह्रेंगो थेंब्मुँ, धै लिरिक्‍ले पोंसि फसेल् म्हैबै च्हमिरिउँइँले क्हि जोगेब्मुँ।

यूहन्‍ना 8:40

ङइ परमेश्‍वरउँइँले थेबै क्ह्रोंसेंन्बै ताँ क्हेमैंने बिइमुँ, दिलेया तोगो क्‍हेमैंइ ङ सैल् म्हैइमुँ। अब्राहामइ छाबै के आलल।