हितोपदेश 26:23 - परमेश्‍वरए ताँ तमु क्युइर

²³ सए भाडोर चाँदिइ म्होरब् धोंले दुष्‍ट म्हिमैंइ सुँइ मत्त्रे छ्याँब् लम्।

हितोपदेश 26:23 ပူးပေါင်းရင်းမြစ်များ

हितोपदेश 10:18

सैं न्होंर आगुलाइ हेल लबै ताँ लोस्याँ क्हि स्योलिबै म्हि ग, धै आगुइ आब्रु ह्‍याबै ताँ लप्रबै म्हि आमादु ग।

हितोपदेश 23:7

तलेबिस्याँ चइ खोंयोंन् बिलै ह्रोंसए खि खैले रेब् ङ्‍हे बिसि मैंरिम्; चइ क्हिने “चद्! थुँन्!” बिलेया चए सैं क्हिए फिर छ्याँब आत!

हितोपदेश 25:4

चाँदिर मुँबै कस तेवाद्, धै सुनारइ छ्याँबै भाँड बनेल् खाँब्मुँ।

हितोपदेश 26:25

छाबै म्हिमैंइ छ्याँबै ताँमैं पोंलेया आक्वेंन्, तलेबिस्याँ चए सैंर छलु म्हिलु लबै ताँमैं मत्त्रे तम्।

हितोपदेश 27:6

क्ह्रिबै थुइ छ्याँब तरिगे बिसिन् हौदिस्याँ चए ताँ क्‍वेंल् खाँम्, दिलेया शत्तुरइ म्हाँया लब् धों तलेया चए सैंइ आछ्याँबन् मैंम्।

मत्ती 23:27

“धिक्‍कार मुँ, शास्‍त्रिमैं नेरो फरिसीमैं क्‍हेमैं फिब्लो पार्दिब्मैं! क्‍हेमैं चुनइ स्‍यालबै छगों धों तब मुँ। च छगों बैरुउँइँले ङ्‌ह्‍योमा छ्याँब म्रोंम्, दिलेया न्‍होंर सिबै म्‍हिए ह्रिब नेरो क्राँरिबै से मत्‍त्रे तम्।

लूका 11:39

छतमा येशूजी चने बिइ, “क्‍हेमैं फरिसीमैं थलि प्‍हेलाए फि-फि छेन्‍ले म्याम्। दिलेया क्हेमैंए सैंर बिस्याँ आछ्याँबै ताँमैं नेरो लोबइ प्‍लिंइमुँ।”