हितोपदेश 26:21 - परमेश्‍वरए ताँ तमु क्युइर

²¹ मि भुराए ल्हागिर क्रोफुँ धै मिए ल्हागिर सिं चैदिब् धोंलेन् प्होंगि मिबै म्हिइ प्होंब्-कैब् मचैम्।

हितोपदेश 26:21 ပူးပေါင်းရင်းမြစ်များ

भजनमैं 120:4

खीजी क्हिए फिर सिपाइमैंइ छेबै म्ह्रुछु तबै मेमैंइ दण्ड पिंब्मुँ, धै झ्याडिर लुँरिबै मिए राबइ ख्रोंवाब्मुँ।

हितोपदेश 10:12

आगुलाइ म्‍लोसि पोंमा प्होंगि तम्, दिलेया म्हाँया लमा आछ्याँबै ताँमैं म्‍लेयाम्।

हितोपदेश 15:18

युनन् ह्रिस खबै म्हिइ प्होंगि तल् लम्, दिलेया युनन् ह्रिस आखबै म्हिइ प्होंरिबै म्हिमैं क्ह्रिल् लम्।

हितोपदेश 29:22

दुष्‍ट म्हिइ प्होंगि लम्, धै युनन् ह्रिस खबै म्हिइ ल्हें पाप लम्।

हितोपदेश 30:33

तलेबिस्याँ ङ्‍हे लोइरि छ्युगु त्होंम्, नखुँ नेस्याँ को युम्, छलेन आगुलाइ ह्रिस खल् लस्याँ प्होंगि तम्।