हितोपदेश 25:12 - परमेश्‍वरए ताँ तमु क्युइर

¹² छेन्ले थेबै म्हिए ल्हागिर बुद्धि मुँबै म्हिइ हौदिबै ताँ निखुर माराए ङ्‍हेंबै रिङ न्हर खिब् धों तब् ग।

हितोपदेश 25:12 ပူးပေါင်းရင်းမြစ်များ

भजनमैं 141:5

ठिक के लबै म्हिइ ङलाइ धोंरिगे, छ लमा ङए ल्हागिर म्हाँया लब् धोंन् तब्मुँ, चइ ङ हौदिरिगे, छले हौदिमा ङए क्रए ल्हागिर छ्युगु तब्मुँ। ङए क्रइ च छ्युगु स्योवारिब् आरे। दिलेया आछ्याँबै के लब्मैंए बिरोधर ङइ खोंयोंइ बिलै प्राथना लब्मुँ।

प्रस्थान 32:2

छबिमा हारूनइ चमैंने बिइ, “क्हेमैंए म्रिं नेरो च्ह-च्हमिंमैंइ न्हप्हेर खिबै माराए रिंङमैं प्लिसि ङ ङाँर पखो।”

प्रस्थान 35:22

सैं प्ल्हसि पिंदा ङ्हाँबै मुँयुँमैं नेरो च्हमिरिमैइ ल्हें खालर्बै माराए घानामैं, पिन, न्हखुमैं, च्यामैं, सिक्रिमैं सजेबै सैमैं पसि याहवेह मिंर थेंमिइ।

हितोपदेश 15:5

आबाइ लोमिंबै ताँमैं आमादुइ आङिं, दिलेया बुद्धि मुँबै म्हिइ लोदा सैंदाए ताँमैं ङिंम्।

हितोपदेश 20:12

थेबै न्ह नेरो ङ्ह्‍योबै मि, ङ्हिंन-ङ्हिंन् याहवेहजीन् बनेब् ग।

हितोपदेश 9:8

खैच्हिजिले पोंबै म्हिलाइ आहौदिद्, आस्याँ चइ क्हि हेल लब्मुँ; दिलेया बुद्धि मुँबै म्हिलाइ हौदिमा चइ क्हिलाइ म्हाँया लब्मुँ।

मत्ती 12:35

छ्याँबै सैं प्ह्‍याबै म्हिइ ह्रोंसए सैंर मुँबै छ्याँबै ताँमैंउँइँले छ्याँबै ताँन् पोंमुँ। आछ्याँबै सैं प्ह्‍याबै म्‍हिइ ह्रोंस् न्‍होंर्बै आछ्याँबै सैमैंउँइँले आछ्याँबै ताँमैंन् पोंम्।