हितोपदेश 24:7 - परमेश्‍वरए ताँ तमु क्युइर

⁷ आमादुए ल्हागिर बुद्धि स्यालै आखाँल्‍ले नुल्‍ले मुँ; थे-थेबै म्हि च्होंर छलफल लमा चइ तोइ बिल् आखाँ।

हितोपदेश 24:7 ပူးပေါင်းရင်းမြစ်များ

भजनमैं 10:5

चमैंइ लबै केमैं खोंयोंन् बिलै चमैंए सैंर मैंब् धोंन् तम्। चमैं थेब् प्हैंरिम्, छतसि क्हिए ठिममैं चमैंउँइँले ह्रेंगो तम्। चमैंइ ह्रोंसए ताँन् शत्तुरमैं प्ह्रम्।

भजनमैं 127:5

त्हुर ल्हें मे मुँबै म्हि आशिक योंबै म्हि ग, तलेबिस्याँ निया लबै क्ल्ह्‍योर शत्तुरमैंए उँइँर राल् त्हुमा च फापिल् त्हुरिब् आरे।

हितोपदेश 14:6

आगु प्ह्रबै म्हि ह्रब्-सेब् तल् म्हैलेया आत, दिलेया बुद्धि मुँबै म्हिइ च्हैंब् मैंब् लल् खाँम्।

हितोपदेश 15:24

बुद्धि मुँबै म्हि छ्याँबै घ्याँर प्रसि कैंडो कैंडो ह्‍याम्, बुद्धिइ चलाइ नर्गर ह्‍याबउँइँले जोगेम्।

हितोपदेश 17:16

बुद्धि आम्हैबै आमादुए योर मुँबै मुइ तो केर फेमुँ?

हितोपदेश 17:24

च्हैंब् मैंब् लल् खाँबै म्हिइ लबै के छ्याँब तम्, दिलेया आमादुमैंइ बिस्याँ आङिं आङिंबै सैमैं मत्‍त्रे ङ्ह्‍योप्रम्।

हितोपदेश 17:7

आमादुमैंलाइ छ्याँबै ताँ पोंब आङ्हे, क्रथे मिथेमैंइ स्योलिबै ताँ पोंब झन् तिफुँइ आङ्हें।

हितोपदेश 22:22

आयों आख्युब्मैं बिसि ङ्‍हाँदुमैंलाइ लुडिबै के आलद्; निसाफ लबै क्ल्ह्‍योर दु:ख योंब्मैंलाइ ह्रुगुदिबै के आलद्,

हितोपदेश 28:5

दुष्‍ट म्हिमैंइ ठिक के खैले लल् त्हुम् बिब आसे; दिलेया याहवेहजी बिबै ताँ ङिब्मैंइ च ताँमैं छेनाले क्होम्।

हितोपदेश 31:23

चए प्युँलाइ सहरर्बै थेबै म्हि बिसि ताँनइ म्हाँदिब्मुँ; धै ह्‍युल तिगोंर्बै थेबै म्हिमैंने टिम्।

१ कोरिन्थी 2:14

पबित्र प्ल्ह आरेबै म्हिमैंइ परमेश्‍वरजी बिबै ताँ क्होल् आखाँ। च ताँ चमैंए ल्हागिर केर आफेबै ताँ धों तम्, तलेबिस्याँ पबित्र प्ल्हजी पिंबै ज्ञान-बुद्धिउँइँले मत्‍त्रे च ताँमैं क्होल् खाँम्।