हितोपदेश 24:31 - परमेश्‍वरए ताँ तमु क्युइर

³¹ चर खन्तोदोंन् पुजुमैं मुँल, पोलो नेरो नोइ म्रों हुवाल, धै युँमाए गारामैं ताँन् फुयाल।

हितोपदेश 24:31 ပူးပေါင်းရင်းမြစ်များ

हितोपदेश 13:4

प्ल्हेगु म्हिइ ल्हें सै म्हैलेया चइ तोइ आयों, दिलेया भोंन्ले के लबै म्हिइ तोन्दोंरि योम्।

हितोपदेश 19:23

याहवेहलाइ म्हाँदिमा छ्ह योंबै घ्याँर फेम्, छले च म्हि ढुका तसि टिल् खाँम्; धै चलाइ दुःखइ छुइल् आखाँ।

हितोपदेश 20:4

प्ल्हेगुइ ठिक त्हेर क्ल्या आक्ल्यो; छतसि बालि खुबै त्हेर चइ तोइ आयों।

हितोपदेश 22:13

“बैरु सिंह मुँ! छतसि घ्याँर ह्‍यास्याँ ङलाइ सैवाम्!” बिसि प्ल्हेगु म्हिइ बिम्।

हितोपदेश 23:21

तलेबिस्याँ प्हाकोमैं नेरो चब्लामैं ङ्‍हाँदु तब्मुँ, धै न्हरु ल्हें च्हुइब्मैं थौनि कुसि प्रबर फेब्मुँ।

हितोपदेश 24:32

छाब् म्रोंसि ङए सैंर ताँ घ्रि खइ, च ताँमैंउँइँले ङइ चु ताँमैं क्होइ:

मत्ती 13:22

पुजुर तेबै प्लु धों तबै म्हि छाब् ग: चइ परमेश्‍वरए ताँ थेलेया चु ह्‍युलर्बै न्हुँ नेरो मुइए लोबइ लमा चइ थेबै ताँर च भोंसि तल् आखाँ। छतसि तोइ रोमैं रोल् आखाँ।

मत्ती 13:7

कोइ प्‍लुमैं पुजुए ल्होंर तेइ धै पुजुए छ्यारइ लमा च प्लु सैवाइ।

हिब्रू 6:8

दिलेया चइ पुजु नेरो क्ह्रुमैं म्‍लोइ बिस्याँ च तो केरै आफे, धै परमेश्‍वरउँइँले चइ सराप योंल् खाँम्। लिउँइँ च मिर ख्रोंवाम्।