हितोपदेश 24:13 - परमेश्‍वरए ताँ तमु क्युइर

¹³ ओ ङए च्ह, क्वे खुदु चब्रें लद्, तलेबिस्याँ क्हिए ज्युए ल्हागिर क्वे खुदु छ्याँबै सै ग; क्वे च्होंउँइँले युबै खुदु चद्; क्हिलाइ च लिंल् छोरम्।

हितोपदेश 24:13 ပူးပေါင်းရင်းမြစ်များ

भजनमैं 119:103

क्हिजी फैबै बाछा ङए लेर बेल्‍ले लिंब तइमुँ, क्वे खुदु भन्दै या ङए सुँर च बेल्‍ले लिंइमुँ।

भजनमैं 19:10

मारा भन्दा याहवेहए ताँमैं म्हैल् त्हुब मुँ, छ्याँबै मारा भन्दा झन ल्हें खीए ताँ म्हैल् त्हुम्; खीए ताँ क्वे खुदु भन्दा खुदुब् मुँ, धै न्हाँज्युउँइँले तेयुबै खुदु भन्दा च बेल्‍ले लिंब तम्।

हितोपदेश 16:24

छ्याँबै ताँमैं क्वे खुदुए न्हाँज्यु धों तम्, चइ म्हिमैंलाइ भों पिंम्, धै सैं तोंन् लम्।

हितोपदेश 25:16

खुदु योंइ बिस्याँ चल् खाँब् मत्‍त्रे चद्; आस्याँ ल्हें चइ बिस्याँ क्हिइ रुइवाब्मुँ।

हितोपदेश 25:27

क्वे खुदु ल्हें चब छ्याँब आङिं, छलेना ह्रोंसन मान म्हैब छ्याँब आत।

हितोपदेश 27:7

बेल्‍ले म्रेंबै म्हिइ क्वे खुदु या आनि; दिलेया फो ख्रेंब्मैंइ आलिंबै सै या लिंन् छोरम्।

मत्ती 3:4

यूहन्‍नाइ सलुए मुइए क्‍वें खिमल, ट्हुबिए पेटि खिमल, तिरि नेरो क्‍वे खुदु चमल।