हितोपदेश 21:15 - परमेश्‍वरए ताँ तमु क्युइर

¹⁵ छ्याँबै निसाफ तमा ठिक के लब्मैं सैं तोंम्, दुष्‍टमैं बिस्याँ बेल्‍ले ङ्हिंम्।

हितोपदेश 21:15 ပူးပေါင်းရင်းမြစ်များ

भजनमैं 112:1

याहवेहए मिं थेब लद्! याहवेहलाइ मान लब धै खीए ताँमैं सैं तोंदै म्हाँदिबै म्हिइ आशिक योंम्!

भजनमैं 119:16

क्हिजी पिंबै ठिममैंर ङए सैं तोंरिब्मुँ; धै क्हिए ताँमैं ङ खोंयोंइ म्‍लेरिब् आरे।

भजनमैं 119:92

क्हिए ठिमर्बै ताँमैंइ ङए सैं तोंल् आलस्याँ, ङए दुःखइ लमा ङ सियामल।

भजनमैं 40:8

ओ ङए परमेश्‍वर, क्हिजी ङने ल्हैदिबै के ङइ सैं तोंन्ले लम्, तलेबिस्याँ क्हिए ठिम ङए सैंर मुँ।”

हितोपदेश 10:29

ठिक के लब्मैंए ल्हागिर याहवेहजी तेंबै घ्याँ लोबै क्‍ल्‍ह्‍यो ग, दिलेया दुष्‍टमैंलाइ बिस्याँ नास लम्।

हितोपदेश 21:12

दुष्‍ट म्हिमैंए धिंर तो-तो तइमुँ बिसि परमेश्‍वरजी सेम्; धै चमैंइ आछ्याँबै के लबइले खीजी चमैंलाइ नास लवाम्।

हितोपदेश 21:16

क्ह्रियाल् खाँबै ताँ थोबै म्हि सिगोंमैंने बालु थु तबर फेनेब्मुँ।

हितोपदेश 5:20

ओ ङए च्ह, क्हि तले फ्रें क्ल्योंइ प्रबै च्हमिरिने म्हाँयार फस्दिरिमुँ, क्हि तले आउए प्ह्रेंस्योने प्रमुँ?

मत्ती 7:23

‘दिलेया च त्हेर ङइ चमैंने ङइ क्हेमैं आसे ओ आछ्याँबै के लब्मैं ङ ङाँइँले ह्रेंगो स्‍योह्‍याद्,’ बिसि बिब्मुँ।”

यूहन्‍ना 4:34

येशूजी चमैंने बिइ, “ङलाइ कुल्मिंबै परमेश्‍वर आबाजी बिब् ङिंब नेरो खीजी पिंबै के खाँन् लबन् ङए चबै सै ग।

रोमी 7:22

तलेबिस्याँ ङए सैं घ्रिइ परमेश्‍वरए ठिम म्हाँदिबर बेल्‍ले सैं तोंम्,