हितोपदेश 21:12 - परमेश्‍वरए ताँ तमु क्युइर

¹² दुष्‍ट म्हिमैंए धिंर तो-तो तइमुँ बिसि परमेश्‍वरजी सेम्; धै चमैंइ आछ्याँबै के लबइले खीजी चमैंलाइ नास लवाम्।

हितोपदेश 21:12 ပူးပေါင်းရင်းမြစ်များ

उत्पत्ति 19:29

छले ब्याँसिर्बै नाँसमैं नास लवामा परमेश्‍वरजी अब्राहामलाइ मैंइ। लोत टिबै क्ल्ह्‍यो नास लवामा च क्ल्ह्‍योउँइँले खीजी लोत जोगेमिंइ।

भजनमैं 107:43

बुद्धि मुँबै म्हिमैंइ चु ताँमैं छेनाले क्होल् म्हैरिगे, धै याहवेहजी लबै खोंयोंइ आनुबै म्हाँया चमैंइ क्होब्मुँ।

भजनमैं 52:5

छतसि परमेश्‍वरजी क्हिलाइ योगोर्लेन् नास लवाब्मुँ; क्हिए तम्बुउँइँलेन् खीजी क्हि चैंबोब्मुँ, सोगोंमैंए ह्‍युलउँइँले खीजी क्हि स्युसि भ्योंवाब्मुँ। तिस्याँदे मैंन्

हितोपदेश 13:6

भर लल् खाँबै म्हिइ ठिक के लमुँ, छतसि चइ लबै ठिक केइन चलाइ जोगेम्, दिलेया दुष्‍ट म्हिमैं बिस्याँ चमैंइ लबै आछ्याँबै केइन पापर च्होयाम्।

हितोपदेश 14:11

दुष्‍ट म्हिमैंए धिं फुवाब्मुँ, ठिक के लब्मैंल बिब् धोंन् तब्मुँ।

हितोपदेश 14:32

दुष्‍ट म्हिमैंए लबै केइ ह्रोंसन् नास तयाम्, दिलेया ठिक के लब्मैं सिमै या आशा योंम्।

हितोपदेश 29:16

दुष्‍टमैं ल्हें तमा पापै केया ल्हें ततै ह्‍याम्, दिलेया ठिक के लब्मैंइ चमैं नास तयाब् म्रोंब्मुँ।

१ कोरिन्थी 10:5

दिलेया चमैं न्होंरि ल्हें म्हि म्रोंसि परमेश्‍वर सैं आतोंल, छतसि चमैं क्यु आयोंबै क्ल्ह्‍योर नास तयाइ।