हितोपदेश 21:1 - परमेश्‍वरए ताँ तमु क्युइर

¹ म्रुँए सैं याहवेहए योर मुँ, स्योंर्बै क्यु धोंले चलाइ खनि बोदा ङ्‍हाँमुँ छाइन खीजी लल् खाँम्।

हितोपदेश 21:1 ပူးပေါင်းရင်းမြစ်များ

एस्तर 2:17

ताँन् अरू च्हमिरिमैं भन्दा म्रुँइ एस्तरलाइ बेल्‍ले खोइ, धै चए सैं ताँन् अरू छमिंमैं भन्दा एस्तर ङाँइ ह्‍याइ, छतसि म्रुँइ एस्तरए क्रर म्रुँस्योइ कुबै मुकुट कुमिंसि चलाइ बश्तीए क्ल्ह्‍योर म्रुँस्यो तल् पिंइ।

भजनमैं 105:25

खीजी त्हाँबै म्हिमैंलाइ मिश्रीमैंइ आखोरिगे बिसि परमेश्‍वरजी चमैंए सैं एमिंइ; ह्रोंसए के लब्मैंए बिरोधर राबै सैं चमैंलाइ पिंइ।

भजनमैं 106:46

चमैंलाइ फैसि बोयाब्मैंलाज्यै या खीजी चमैंए फिर ल्हयो खल् लमिंइ।

भजनमैं 114:3

याहवेहजी चु के लब् म्रोंसि मा ङ्युँइ भौदियाइ; यर्दन स्यों उल्टोले प्रबर होंइ।

भजनमैं 114:5

ओ मा ङ्युँइ, क्हिलाइ तो तइ? तले भौदियाइ। ओ यर्दन, क्हि तले लिउँइँन एह्‍याल?

भजनमैं 74:15

क्हिजीन् क्युए मुल तिसि स्यों युल् पिंइ; क्हिजी खोंयोंइन युरिबै स्योंमैं ङ्हाह्रमिंइ।

भजनमैं 93:4

दिलेया चए कै भन्दा, थेबै मा ङ्युँइए भोंबै भेल्कमैं भन्दै या, ताँन् भन्दा क्होंवाइ टिबै याहवेह बेल्‍ले भोंब मुँ।

प्रस्थान 7:3

दिलेया ङइ फारोए सैं सारो लवाब्मुँ। धै ङइ ङ्हिंन् ङ्हाँन् तबै औदिबै चिनुमैं ल्हें लमिंब्मुँ।

हितोपदेश 16:1

म्हिमैंइ सैंर चाँजोमैं लम्, दिलेया जवाफ याहवेहउँइँलेन् खम्।

हितोपदेश 16:9

म्हिइ ह्रोंसए सैंर छ लमुँ, छु लमुँ बिमुँ, दिलेया चइ लल् त्हुबै केर याहवेहजीन् डोरेम्।

हितोपदेश 20:24

म्हिइ लबै चाजोमैं याहवेहजीन् तोक्दिब् ग। छतसि ह्रोंस प्रबै घ्याँ म्हिइ खैले सेल् खाँब?

चेला चिब्मैंए केमैं 7:10

परमेश्‍वरजी चए ताँन् दुःखउँइँले फ्रेमिंसि मिश्र ह्‍युलर्बै फारो म्रुँए उँइँरि चलाइ बुद्धि पिंमा फारोइ चलाइ मिश्र ह्‍युल नेरो ह्रोंसए धिंर्बै ताँन् सैमैंए फिरि क्ल्हे तल् पिंइ।

दर्शन 16:12

झाइले अर्को स्‍वर्गदूतइ ह्रोंसने मुँबै प्‍हेलर्बै ह्रिस यूफ्रेटिस बिबै थेबै स्‍योंर युवाइ। छलमा स्यारउँइँले खबै म्रुँमैंए ल्हागिर घ्‍याँ तरिगे बिसि च स्‍यों ङ्‌हारयाइ।

दर्शन 16:4

च लिउँइँ अर्को स्‍वर्गदूतइ ह्रोंसने मुँबै प्‍हेलर्बै ह्रिस स्‍योंमैं नेरो क्‍युए मूलमैंर युवाइ। छलमा चर्बै ताँन् क्‍यु को तयाइ।