हितोपदेश 20:6 - परमेश्‍वरए ताँ तमु क्युइर

⁶ ङ खोंयोंइ म्हाँया लम् बिसि ल्हें म्हिमैंइ प्हैंम्, दिलेया भर लल् खाँबै म्हि खाबइ त्होल् खाँमुँ?

हितोपदेश 20:6 ပူးပေါင်းရင်းမြစ်များ

भजनमैं 12:1

ओ याहवेह, ल्होमिंन्! तलेबिस्याँ क्हिजी बिब् ङिंबै म्हि तारे घ्रि या आचैइमुँ, म्हिमैंए म्हाँजोर भर लल् खाँब्मैं खाबै आरे।

भजनमैं 12:2

ताँनइ ह्रोंसए ङ्‍हेब् ट्हुब्मैंने स्योर तेसि पोंम्, चमैं फिब्लो पार्दिसि स्योर ताँमैं पोंम्।

हितोपदेश 20:5

म्हिए सैंर्बै ताँ इनारर्बै क्यु धों ग, दिलेया ताँ क्होबै म्हिइ च ख्योइरि बैरु पखम्।

हितोपदेश 25:14

ह्रोंसइ पिंइ आपिंबै क्होल्से पिंइ बिसि थब् प्हैंबै म्हि नाँ आयुबै न्हाँम्स्यो नेरो खैं धों तब् ग।

हितोपदेश 27:2

ह्रोंसन् थेब् प्हैंसि आपोंन्, आगुइन क्हिलाइ थेब् लरिगे; आगुइन क्हिए छ्याँबै बयन लरिगे।

मत्ती 6:2

“छतसि क्‍हेमैंइ दान पिंमा च्हों धिंजरे नेरो घ्‍याँजरे ‘ङइ छ लइ छु लइ’ बिदै आप्रद्। छलेम् फिब्लो पार्दिब्मैंइ खेंमैंइ लबै छ्याँबै केमैं म्‍हिमैंइ म्रोंरिगे बिसि छ्याँब् प्हैंदा ङ्हाँब्मैंइ घ्याँजरे उँइँ प्रम्। ङ क्ह्रोंसेंन क्हेमैंने बिमुँ चमैंइ योंल् त्हुबै इनाम योंल् खाँइमुँ।

लूका 18:11

फरिसीइ रासि सैं न्हों-न्हों छले प्राथना लइ, ‘ओ परमेश्‍वर, ङ क्हिलाइ धन्‍यबाद पिंमुँ, तलेबिस्याँ ङ अरू म्‍हिमैं धोंले लोब लब, स्योर तेब, च्हमिरिमैंए फिर आछ्याँबै सैं मैंबै म्हि आङिं, धै चु बालि रेबै म्‍हि धों तबै या ङ आङिं।

लूका 18:28

छबिमा पत्रुसइ बिइ, “ङिम् ह्रोंसए धिं-नाँ वाथेंसि क्‍हिए लिलि प्रइमुँ।”

लूका 18:8

ङ क्हेमैंने बिमुँ, खीजी ह्रोंस‍ए म्हिमैंए ल्हागिरि युनन् निसाफ लमिंब्मुँ। दिलेया म्हिए च्ह धबै ह्‍युलर युमा बिश्‍वास लसि टिरिब्मैं खीजी त्‍होल् योंलै रो वा?”

लूका 22:33

छबिमा सिमोन पत्रुसइ खीने बिइ, “ओ प्रभु, ङ क्‍हिने बालुन् झेलर टिल् त्‍हुलेया, सिल् त्‍हुलेया तयार मुँ।”

यूहन्‍ना 1:47

येशूजी नथानेल खी ङाँइ खरिब् म्रोंसि चए बारेर बिइ, “ङ्‌ह्‍योत्ति, पक्‍क इस्राएलीथें घ्रि। चने तोइ छल आरे।”

२ कोरिन्थी 12:11

ङलाइ बुद्धि आरेबै म्हि तबर क्‍हेमैंन कर ल्‍हैदिइ। क्‍हेमैंइ अरूमैंए छ्याँबै बयन लसि चमैंलाइन “बेल्‍ले छ्याँबै कुल्मिंबै चेला चिब्मैं” बिमुँ, चमैंए उँइँरम् क्‍हेमैंइ ङए बारेर छ्याँबै बयन लल् त्‍हुमल। तलेबिस्याँ ङ तोइ आङिंलेया चमैं भन्दा ङ तोरै च्‍योंब् आरे।