हितोपदेश 20:3 - परमेश्‍वरए ताँ तमु क्युइर

³ प्होंगि आमिबै म्हिलाइ ताँनइ खोम्; दिलेया आमादुमैंइ प्होंगि मिबै ताँ लम्।

हितोपदेश 20:3 ပူးပေါင်းရင်းမြစ်များ

उत्पत्ति 13:7

छतमा अब्राम नेरो लोतए खेदो छब्मैंए न्होंरि प्होंगि तइ। च त्हेर कनानीमैं नेरो परिज्जीमैं या च ह्‍युलर टिमल।

उत्पत्ति 13:8

छतमा अब्रामइ लोतने बिइ, “ङ्यो ह्रोंसए म्हिमैं ग। छतसि ङ्यो नेरो ङ्योए प्ह्रोंछैंमैं न्होंरि प्होंगि आतबै ल्हागिर

हितोपदेश 14:17

युनन् ह्रिस खबै म्हिइ न्होह्रों तबै के लम्, धै छलु म्हिलु लबै म्हि खाबज्यै आखो।

हितोपदेश 14:29

युनन् ह्रिस आखबै म्हि बुद्धि मुँबै म्हि ग, दिलेया युनन् ह्रिस खबै म्हि आमादु ग।

हितोपदेश 16:32

ल्हडेंर नेबर ह्‍याबै म्हि भन्दा युनन् ह्रिस आखबै म्हि थेब ग, ह्रिस थाम्दिल् खाँबै म्हि सहरलाइ ट्होबै म्हि भन्दा थेब् ग।

हितोपदेश 17:14

प्होंगि मिब क्वेथेंबै क्युए बाँध फुयाब् धों तब् ग, छतसि प्होंगि तल् म्हैस्याँ च्याँ तयाल् त्हुम्।

हितोपदेश 18:6

आमादुइ पोंबै ताँइ प्होंगि मिम्, धै ह्रोंसए सुँइ लमन् चलाइ आगुइ प्रिंम्।

हितोपदेश 19:11

च्हैंब् मैंब् लल् खाँबै म्हिइ ह्रिस थाम्दिल् खाँम्, आगुइ सैं नल् ललेया तोइ आङ्हाँब चए ल्हागिर छ्याँब ग।

हितोपदेश 21:24

ह्रिस खदै ओग्रोंले के लबै म्हिलाइ “घमण्डि” बिम्, च दयाम्हाँया आरेब नेरो बुद्धि आरेब् तम्।

हितोपदेश 26:17

आगुए आक्ह्रिबै ताँर यो झोंबै म्हि नेरो घ्याँजरे प्ररिबै नगिए न्हमेर क्हाबै म्हि धों तब् ग।

एफिसी 4:32

धै परमेश्‍वरजी ख्रीष्‍टर क्हेमैंलाइ क्षमा लब् धोंले क्हेमैंज्यै या घ्रिइ घ्रिलाइ क्षमा लसि घ्रिइ घ्रिए फिर सैं प्ल्हसि ल्हयो खद्।

याकूब 3:14

दिलेया क्‍हेमैंए सैंर ह्रिस लब, खोंबै सैं मुँइबिस्‍याँ छाबै ताँर आप्हैंन्। छाबै ताँर थेब प्हैंस्याँ क्हेमैंइ क्ह्रोंसेंन्बै ताँ थोम्।

याकूब 4:1

क्‍हेमैंए न्‍होंरि प्होंगि कैगि खनिउँइँले खमुँ? च ताँन् केमैं सयल थोदा ङ्हाँबै सैंउँइँले खम्, आङिं वा? छाबै सयल थोबै ताँ क्‍हेमैंए सैंर खोंयोंइ बिले तरिम्।